Special Report : Thawnkham & Sangpi Concert te picing takin kizo

Zomi sungpan lasa minthang te geel a hi Thawnkham leh Sangpi te ii USA TOUR – 2010 Summer Concert te picing leh nasia tak in kibawlzo ta hi.  July 24 -  Lancaster, Pennsylvania; August 6 - Jacksonville, Florida; August 14 - D.C Area; August 21- Grand Rapid, Michigan; August 28 - Atlanta, GA; August 29 – Greensboro, North Carolina; September 4 - Indianapolis, Indiana; September 5 - Fort Wayne, Indiana ; September 11 – Franklin, Tennessee cih mun 10 te ah picing tak leh gualzo tak in kibawl zo hi. Tua bek thamlo in D.C Area kiim aa Zomite makaih pawlpi thum te kigawm in a kibawl A (3) veina Zomi Singsong service pawi ah hong a mau te geel hong kihel uh aa, la ngaih no no tampi hong sa uh hi.

US gam sunga om Zomite sung ah Zomite makaih leh Zomi lasa siamte makaihna tawh pawi tam kibawl masa pen leh a nasia pen pawite hi kha ding hi. Hih concert hangin U.S gam sungah om Zomite kipumkhatna leh ki-itna nasia tak in hong khangto sak hi. Hih concert te hong piankhiat nadingin Organizer sem in hong vaikhawmkhia leh hong makaih te pen Zomi Innkuan D.C Secretary pa Tg. Dong Khan Khup leh Zomi D.C Music Secretary pa Tg. Zen Lian te a hi uh aa, a mau ii kipiak khiatna te leh a sepkhiatna te hangin hi zah in picing tak in a kigualzo a hi hi. A mau kipiakkhiatna te pen Zomite aading mualsuang pi khat a hi hi. State tuamtuam aa om Zomi makai te in zong a neihsa, a lamsa uh sit het loin hong huh, hong panpih uh hi. Music a tum te : Lead Guitar – Zen Lian & E Tuang; Keyboard – Khai Paak ; Bass Guitar – Tuk Tuk ; Drum – Thawngmung & Sangpi te a hi uh hi. Video Recorder – Tg. Thawngmung; Photo Camera leh Concert Poster designer – Tg. Thomas Mung te in huh uh hi.

Lasa Thawnkham leh Sangpi te in zong “Ko aading pawi tam pen ka sak na uh leh Zomi te tawh tam ka kithuah pen na uh a hih manin angtang mahmah in, hong vaihawmkhia te tung ah lungdam mahmah ung” ci in a lungdamna leh a kipah na thu uh hong pulaak khia uh hi. Hih pawi tungtang in Zomi khangno khat leh khat kipumkhat in lungkituak takin nasep khiatna hong kilang sak aa, mailam ah hi bangin lungkituak takin I kalsuan toh toh zawh ding hanciam ciat hi.

Zomi D.C News Group

Washington D.C

Thawnkham & Sangpi te concert photos :

Lancaster, PA photos:

http://picasaweb.google.com/osmung/ThawnKhamSangpiConcertInLancaster#

D.C Area photos:

http://picasaweb.google.com/osmung/ThawnkhamSangpiConcertPhotosDCArea#

Grand Rapid, Michigan photos:

http://picasaweb.google.com/osmung/ThawnKhamSangpiConcertPhotosMichigan#

Atlanta, GA Photos:

http://picasaweb.google.com/osmung/ThawnKhamSangpiConcertPhotosAtlantaGANCarolina#

The 3rd Zomi Singsong Service Photos:

http://picasaweb.google.com/osmung/A3VeiNaZomiSingsongServiceDCArea#