|
Posted on:
Sunday November 01, 2009 02:59 AM -0500
|
|
Zomi D.C News Archvies
in 2008 |
Zomi D.C
Makaihna tawh Zo ngeina Khuado pawi kibawl ding
Zomi Innkuan D.C
makaihna tawh Washington D.C kiim aom Zomite in Zo ngeina khuado
pawi pen a nuai aa bangin kibawl ding a hih manin sak leh khang pan
Zomi ten nong siim nading un kong zawn uh hi.
A mun : St. Stephen
Lutheran Church
901 Courtney Road
Baltimore, MD 21227
A ni
: October 31, 2009 (Saturday)
A hun : 6:30 PM -
10:30 PM
Contact persons :
Pa Ngo Cin Thawng -
301 661 6518
Pa Ving Khan Thang
- 410 299 6339
Pa Khai Khan Dal -
443 758 0612
Pa Nang Sian Thang
- 443 306 6458
Zomi D.C
News Group
*Posted on
Wednesday, September 30, 2009 @ 11:45:00 am EST by Webmaster*
|
|
|
Khai & Vungno te ii Wedding
Ceremony Nuamtak kizo
U.S gam Frederick, Maryland State a om Nu Man Khan Vung leh Pa Sian
Khan Pau (Deceased) te Tapa gol pen Tg. Cin Suan Khai leh Fort
Wayne, Indiana State a om Pa Thang Khua Hau leh Nu Ngai Lam Niang te
Tanu gol pen Lia Man Sian Vung te pum khat suah kitenna Mopawi pen
Harvest Christian Fellowship, Frederick, Maryland ah nasia tak leh
picing tak in kibawl a, tualai ah sak leh khang pan mi tampi hong
kihel thei hi. Wedding Ceremony a man ciangin Wedding Reception pen
Grace Community Church ah kibawl suak aa picing tak in kibawl zo hi.
Hi bangin Zomite sungah khangno khat leh khat hong kiten uh ciang
minam picin na leh Zomi nam kepcin na khat a hih manin lungdam huai
mahmah hi. "Zomi nam a manthan loh nadingin Zo zi, Zo pasal mah
nei ni".
Zomi D.C
News Group
View
Wedding photo at:
http://picasaweb.google.com/osmung/KhaiVungnoWeddingPhotos#slideshow/
*Posted on
Saturday, July 25, 2009 @ 11:45:00 pm EST by Webmaster*
|
A (1) vei na Zomi Sing Song
Service Nuamtak kizo
D.C Area kim a om Zomi te makaih Pawlpi te a hi Sizang Burmese
Mission Church (SBMC), Evangelical Baptist Church (EBC), Zomi
Christian Community Church (ZCCC) te kigawm khawm in, a khat vei na
"Zomi Sing Song Service" Pawi pi pen July 18, 2009 ni in ZCCC
pawlpi te biakpiak kikhopna Hope Presbyterian Church, Baltimore ah
nasia tak leh gualzo tak in kibawl a, tualai ah D.C area kim aom
Zomi te tampi hong kihel thei in nopci mahmah hi. Tualai ah Pasian
min phatna la ngaih no no dawng tampi kisa a, ngaih kisa mahmah hi.
Pasian hong puak na tawh Zogam Tedim khua pan, Bethel Assembly of
God pawlpi kem sia pa leh Pasian zat mahmah khat a hi Rev. Dr. Khai
Khan Suan in "Zomi leh Pasian Phatna" a cih thulu tawh hanthotna
hong pia a, tha kingah mahmah hi. Hun man ciangin inn tek pawlpi a
hi ZCCC pan Aksa taangciim tawh hong vak uh a, lim kisa mahmah hi.
Mailam ah zong Zomite kigawm khawm in Zomi Sing Song service neih
toh suak ding kilunggulh tek a, Zomite kipum khat in Pasian i biak
ziahziah theih ding thupi mahmah hi.
Zomi D.C
News Group
View Zomi
Sing Song Service Photo at:
http://picasaweb.google.com/osmung/ZomiSingSongService2009#
Dr. Khai
Suan Sermon :
http://www.watchonline002.sizangchurch.org/022809_054.htm
Zomi Sing
Song Service Videos available at :
www.sizangchurch.org
*Posted on
Sunday, July 19, 2009 @ 1:03:00 am EST by Webmaster*
|
Dr. Jacob Kham Khan Mung D.C hong
hawh
Zomi sungah mi minthang khat leh minam aading, Pasian aading na
tampi hong semkhia, Christian Literature Centre, Yangon Director a
hi Dr. Jacob Kham Khan Mung leh a zi Nu
Niang Lun Cing @ Dr Sandar Nwe te pen 15 Jun 2009 ni in, US
gam Virginia State,
Danville, aa om Anchor
Theological Seminary pan akipia
Honorary Doctor of Divinity hong lak khawm leh CLC
International te tawh kimu dingin US gam hong pai aa, D.C Area a om
Zomi te makaih Pawlpi tuamtuam ah hong pai in Zomi laizom te tawh
kimu khawm in hanthotna hong pia aa tha kingah mahmah hi. Dr. Mung
pen Zomite om na US gam State tuamtuam ah zong va hawh lai dinga,
Zomi Innkuan USA khawmpi ah zong vakah ding cih thu kiza hi.
Zomi D.C
News Group
*Posted on
Sunday, June 14, 2009 @ 1:03:00 pm EST by Webmaster*
|
Zomi D.C huam sungah Singsong
Service kinei ding
Zomi Innkuan D.C huam sunga om Zomi te makaih pawlpi thum ahi
Sizang Baptist Mission Church, Zomi Christian Community Church,
Evangelical Baptist Church te kigawm khawm in Sing Song Service pen a
nuai a bang in kibawl ding hi.
A ni : :
July 18 (Saturday)
A hun: : 6:00pm - 10:00
pm sung
A mun : : Zomi Christian Community
Church,
4748 Shelbourne Street,
Baltimore, MD 21227.
Lasa ding te
in a min leh ala thulu pen Pa Kam Lam Mang (202-288-0956)
, Tg. Gin Za Khai(443-694-
8058) , Tg. Dong Khan Khup(443-629-
3329) leh Tg. Thawng Sian Mung(703-937-
7617) te kiang ah a nunung pen July 11, 2009 ni in kipia thei hi.
Contact Persons:
Pa Ngo Cin Thawng
(301) 661-6518
Pa Ving Khan Thang
(410) 299-6339
Pa Khai Khan Dal
(443) 758-0612
Tg. Thang Lian
(443) 285-9758
Zomi D.C News Group
*Posted on
Sunday, June 14, 2009 @ 1:03:00 pm EST by Webmaster*
|
|
|
Tg. Hang En Mang (Enpi)'s
Graduation Ceremony
Pa Thang Za Pau leh Nu Hau Khan Vung (Phaitu Khua, Tonzang) te
Tapa, Zomi Innkuan D.C member pih Tg. Hang En Mang (Enpi) in
Howard Community College, Maryland pan Associate of Arts in
Business Administration and Accounting tawh gualzawhna hong ngah
a hih manin Zomi bup in kilungdampih mahmah hi. Graduation
Ceremony pen May 22, 2009 ni in Howard Community College huang
sungah nasia tak in kibawl aa, Zomi pih ten zong vamuak thei uh
hi. Hi bangin Zomi khangno khat in gualzawh na hong ngah pen
Zomi te aading angtan huai mahmah a, Zomi khangno ten zong pilna
mah thupi sak in i zon ciang ding kisam mahmah hi.
Zomi D.C News Group
View Graduation Photos at :
http://picasaweb.google.com/osmung/HangEnMangSGraduationPhotos#
Also view Zomi D.C degree holders
list at :
www.zomidc.org/degreeaward.htm
*Posted on
Friday, May 22, 2009 @ 9:09:00 pm EST by Webmaster*
|
U.S President ii pahtawina ngah
Zolia
U.S gam Wisconsin State aa aom, Zomi D.C member lui te a hi
Pa Pum Khan
Lian leh Nu Ciin Lian Vungte tanu upa pen Lia Cing Tawi Lun (Tawilun)
in asangkahna Milewakee, Wisconsin, USA school panin "The
President Award" kici pahtawina laidalpi hong ngahkhia a hih
manin Zomibup in kilungdampih mahmah hi. Hih laidalpi pen USA
President pa leh Secretary of Education te mahmah in Signature a
piak ahi a, US gam aom Zomite sung pan a ngah mahsa pen ahih
manin angtan huai mahmah hi. Zomi khangthak khat hibang in
gualtung tuang thei leh minam min tawisang ding i neih manin
Zomi nambup pi aading kipah huai mahmah hi.
Zomi D.C News Group
*Posted on
Tuesday, May 20, 2009 @ 1:35:00 am EST by Webmaster*
|
Zomi D.C Advisor Pu Ngo
Nang ii Funeral Service picing tak in kibawl
Hong nusia Zomi Innkuan D.C
ii thudotpi Pu Ngo
Nang ii Funeral Service pen January 3, 2009 ni in Lynfield Event
Complex, Frederick, Maryland ah picing takin kibawl aa, tualai
ah sak leh khang pen mi 1000 kim hong pai in Pu Ngo Nang hong
kha uh hi. Tualai ah Rev. Dr. James Sing Za Khai in hun uk sem
a, Rev. Dr. Dam Suan Mung in hanthotna hong nei hi. Zomi Innkuan
D.C pan Chairman pa Tg. Dong Khan Khup in Zomi D.C taang in
khakna hong nei a, Zomi Innkuan (U.S.A), Zomi Innkuan Portland,
Florida Zomi Innkuan pan dahpihna lai simkhiatna hong nei hi.
Zomi Innkuan D.C memberpih teng in zong Choir ngaih mahmah tawh
Advisor Pu Ngo Nang khakna kinei thei hi. Hong nutsiat a omlai a
innkuanpih te Topa in hehnepna hong pia ta hen.
View Funeral Photos at:
1.
http://picasaweb.google.com/osmung/PuNgoNangSFuneralPhotos#
2.
http://picasaweb.google.com/Cinno06/PuNang?authkey=3Bi2ECN5RIs&feat=email#
Zomi D.C News Group
*Posted on
Saturday, January 3, 2009 @ 11:00:00 pm EST by Webmaster*
|
|
|
|
 |
|
