Washington D.C kiim aaom Zomite makaih Pawlpi te ahi Evangelical Baptist Church (EBC), Sizang Burmese Mission Church (SBMC), Zomi Christian Community Church (ZCCC) le Zo Church, USA (ZC, USA) te kipawl khawmin a (5) veina Zomi Singsong Service pen November 12, 2011 (Saturday) ni nitak nai 5:30pm in Sizang Burmese Mission Church te inntekna tawh, SBMC Church, 11845 Seven Locks Road, Potomac, Maryland ah nasia tak leh picing takin kibawl hi. Tualai ah Hun uk Tg. Nang Kam Piang in sem a, Kipatna thu ngetna Rev. Suan Khan Mang, Sumpi aap thu ngetna Rev. Lian Khen Thang, a huam thu nget Rev. Cin Do Thawng, Hanthotna Rev.Lian Khan Kap, Hun tawp thu ngetna Rev.Dr. Cin Za Mang te in hong nei uh hi. Zomite sung pan lasa siam te in la dawng 23 tawh Pasian phatna kinei ziahziah aa, hong pai khempeuh in tha kingah mahmah hi. Inn tek pawlpi khangno te'n nitak an lim mah mah toh hong vak hi. Washington D.C kiim aom Zomite kithu tuakin Pasian phat khopna i neih theih pen lungdam huai leh et teh huai mahmah hi. Leitungbup Zomite zong kilungtuak kithu tuakin Pasian aading gam leh minam aading mapang khawm ciat hi.