Home | News Achieves | About Us | Contact Us  | Links | Membership | Guestbook  | Interviews

 

 
 

     www.zomidc.org                                                  Motto "Zomi sungah Innkuan Khat i hi hi ".                               Estd : 2001

 

  Poted on: Wednesday December 23, 2015 08:12 AM -0500

Zomi Innkuan D.C Area

Zomi D.C Home
Zomi D.C History
Executive Committee
Zomi D.C Directory
Zomi D.C Contacts
Zomi D.C Bylaw & Const.

Zomi D.C Education Page

(Degree & Award lists)

Zomi D.C Music Page
Music Video Page
Video Movie Page
Zomi D.C Guestbook
ZIUSA Genvai

 

 

     

Zomi D.C Contacts

Zomi D.C Emails & Phone No:
zomidc@yahoo.com
zomidc@yahoogroup.com

www.facebook.com/zomidc

www.youtube.com/zomidc


Cheif Editor & website creator(webmaster):
Thomas On Sian Mung
Tel: 1-443-854-8905

osmung@yahoo.com

President:
Pa Tual Mung

tualmung@gmail.com

Tel: 301-633-7239

Secretary:
Pa Thomas On S. Mung

osmung@gmail.com

Tel: 443-854-8905


  

A (4) veina Zomi Innkuan USA Khawmpi

Tulsa, Okalahoma, June 9, 2007

Zomi Innkuan USA
Oklahoma, Florida, Washington DC, Appalachian, Chicago, Portland
 
Thupulakna : June 11, 2007

 

1.       United States of America gam sung a om Zomi Innkuan kipawlna tuamtuamte’ kigawmkhopna ahi Zomi Innkuan USA in, 2007 Kumcin’ Khawmpi pen Oklahoma State , Tulsa khuapi ah June 9, 2007 ni in, picing takin bawlzo hi.
 
2.       Hih Khawmpi pen Zomi Innkuan Oklahoma kipawlna innteek in akibawl hi a, Florida Zomi Innkuan (USA), Zomi Innkuan DC, Appalachian Zomi Innkuan kipawlnate panin tangmite hong kah uhhi. Khawmpi akah innteek leh tangmi mimal vekpi (40) val kipha hi. Zomi Innkuan Chicago leh Zomi Innkuan Portland kipawlnate panin thukimpihna laite kipuak hi.

3.       Khawmpi hunpi pen khen (3) in kikhen hi. Abeisa hun a sepna bawlnate pulakna leh kikupna, ahong tung ding kum sung Kipawlna Makai panmunlen kiteelna leh mailam kalsuanna ding kikupna cihbangin kikhen hi. Hun khat leh khat kikaal ah ankuang umkhopna leh kikhawlhkhopna hunte nuamtak in kizang thei hi.
 
4.       Khawmpi akah atamzaw thukimna bangin, 2007-2008 kum sung, Kipawlna makai in, Executive Committee panmunte alen dingin, mun tuamtuam a om Zomi Innkuan kipawlnate’ Executive Committee panmunlente leh Khawmpi akah khempeuh sung pan kiteelna kibawl hi.
 
5.       Zomi Innkuan USA kipawlna, 2007-2008 kum sung Executive Committee panmunte alen dingin teelcing Makaite anuai a bang ahi hi.

2007-2008 Executive Committee
President :               : Dr. Chin Do Kham                  ( Tulsa , OK )
Vice President :       : Pa Thang Cin Pau                   ( Columbus , OH )
Secretary :              : Tg. Vungh Lian Mang              ( Tulsa , OK )
Asst. Secretary :     : Tg. Thang Do Hang                 ( Miami , FL )
Treasurer :              : Pa Ngo Cin Thawng                ( Washington DC )
Asst. Treasure :      : Pa Khup Khan Thang              ( Norman , OK )
Auditor :                 : Rev. Thawng Khan Cin           ( Tulsa , OK )
 
6.       Kipawlna’ Thukhunpi tawh kituak in, Zomi Innkuan kipawlna tuamtuam pan President/Chairman panmunlente leh tangmi/Representati ves-teng tawh Kipawlna Board of Directors pawl anuai a bangin Khawmpi in kipsak hi. Khawmpi in Board Chairman leh Board Secretary panmunlen dingte teelkhia hi.

2007-2008 Board of Directors
Rev. Thawng Khan Cin       (Zomi Innkuan Oklahoma )         : Chairman
Tg. Dong Khan Khup          (Zomi Innkuan DC)                   : Secretary
Tg. Thang Do Hang             ( Florida Zomi Innkuan)              : Member
Tg. Zam Sian Khai              (Appalachian Zomi Innkuan)      : Member
Pa Zam King Mang             (Zomi Innkuan Portland )            : Member
Pa Pau Cin Lian                  (Zomi Innkuan Chicago)            : Member 
Pa Thang Lian Pau              (Zomi Innkuan DC)                   : Member
Pa Khup Sian Lian              (Zomi Innkuan DC)                   : Member
Pa Khai Khan Lian              (Zomi Innkuan DC)                   : Member 
TaangGo Sawm Khup         (Zomi Innkuan Oklahoma )         : Member
Dr. Seikam Touthang           (Zomi Innkuan Oklahoma )         : Member
Rev. Kap Khan Mang         (Zomi Innkuan Oklahoma )         : Member 
Rev. Vungh En Thang         ( Florida Zomi Innkuan)              : Member
Pa Pum Za Khai                 ( Florida Zomi Innkuan)              : Member
Pa Zam Khan Kam             ( Florida Zomi Innkuan)              : Member
Pa Do Kap Pau                   ( Florida Zomi Innkuan)              : Member
Pa Langh Suan Mung          ( Florida Zomi Innkuan)              : Member 
Pa Tual Khan Suan             (Nashville, TN)                         : Member
Pa Thang Lian Kaap           (Greens Boro , NC )  
                  : Member

Pa Tual Khan Suan             (Nashville, TN)                         : Member
Pa Thang Lian Kaap           (Greens Boro , NC )                    : Member
Pa Tuang Sukte                   ( Hackensack , NJ )                     : Member
Dr. Chin Khua Khai                        ( El Monte , CA )                         : Member
 
(Theihding : Board of Directors panmunlen pen Zomi Innkuan kipawlna tuamtuam panin ahun zui-in kikheel ding hi).
 
7.       Teelcing Executive Committee in Kipawlna mailam kalsuanna ding mabante ahun zui in hong pulak ding hi.
 
Sd. xxx
(TaangGo Sawm Khup)
Khawmpi Thusa
 
Sd. xxx
(Ngo Cin Thawng)
Khawmpi Ukpi

 

A (3) veina Zomi Innkuan Khawmpi

Chicago, January 14-15, 2006

Photo: Zomi Innkuan USA Khawmpi kah teng

Zomi Innkuan USA Thukhunpi Kipsakna Khawmpi

lawhcing takin kibawlzo  

Azahtak huai Laizom, u leh nau, nu leh pate aw, 

“Dammaw!” ci’n hong muak ingh.Chicago khuapi ah Zomi Innkuan USA kipawlna min tawh Zomi-te’ Khawmpi khat akibawl zawhna thu hong ko nuam ingh. 

Zomi Innkuan Chicago kipawlna innteekna tawh, January 14, 2006 (Saturday) ni in, Illinois state Chicago khuapi ah,  Zomi Innkuan USA kipawlna’ Thukhunpi Kipsakna Khawmpi lawhcing takin kibawlzo hi. Khawmpi hunpi pen nitak nai 5:00PM in kipan a, January 15, 2006 (Sunday) ni zingsang lam nai 4:00AM in kizo hi. 

Khawmpi akah dingin Thukhunpi tawh kisai Thudotpite, Zomi Innkuan kipawlna tuamtuam pan makaite leh tangmite akisam ahi hi. Florida Zomi Innkuan pan in tangmi makai (5), Zomi Innkuan Oklahoma panin tangmi makai (3), Zomi Innkuan DC panin tangmi makai (7), Appalachian Zomi Innkuan panin tangmi makai (4), New York leh New Jersey states panin tangmi (3), North Carolina state panin tangmi (1) hong kah a, khual panin Khawmpi asiim thukum thei (naupang simloh) mimal vekpi (23) kipha hi. 

Innteek Zomi Innkuan Chicago pawlmite in Khawmpi akah zin khempeuh, nek leh dawn a kipan zin tunna ding, lupna tatna ding kicing takin hong sik uh a, innteekte’n Zomi-te’ a itna, a khualna uh tawh ahong zindonate uh pen US gam atung Zomi-te’ tangthu ah akiciamtehzo dingin picing mahmah hi. Mimal atamloh uh hangin, nasia takin zin hizah ado zawh uh pen, a zinte khempeuh in lamdang kisa mahmah a, kizahtak mahmah hi. Thudotpi Rev. Dr. Chin Do Kham, Pawllutang Pa Thang Lam Tung Pau, Thuvaanpi Pa Pau Cin Lian, Sumkem Pa Pum Khan Lian leh makaite, pawlmi numei naupang, avekpi un tangzang takin tanu in, sep ding bawl ding vailian pen pan vaineu pen dongmah khatzong nelhsiahlo in semzo uh ahih manin kizen kisa mahmah hi. Zin do dingbek thamlo in mipi makai ding in aicngtaak mahmahna uh kimu hi.

 Khawmpi Ukpite (Presiding Chairman) asem dingin Rev. Dr. Chin Do Kham (Chicago), Rev. Vungh En Thang (Florida), Rev. Thawng Khan Cin (Oklahoma) leh Pa Ngo Cin Thawng (Washington DC), Khawmpi akah mipi in teel hi. Taang Go Sawm Khup in Hunkem sem a Tg. Dong Khan Khup in Thuciamteh sem hi. Mrs. Chin Do Kham in hun buppi video recording hong sepsak hi.*** 

Khawmpi sung ah Kipawlna’ Thukhunpi kikupna leh kipsakna kibawl hi. Thukhun khat khit khat sittel in kikupna kibawl ahih manin minam leh kipawlna tawh kisai thuthuk tampi, ngaihsutna tampitak kisungkhawm in, kikumkhawm thei hi. Zomi-te’ kipawlna vaite, khua leh tui vaite, gam leh minam vaite, maitang kimu in suaktak a kikupkhopna ahih manin thupi mahmah a kilungkim mahmah hi. 

Khawmpi in Thukhunpi akipsak zawh ciangin Thukhunpi tawh kituak in Zomi Innkuan USA kipawlna Kivaipuakzia ding kilampah hi. Kipawlna buppi tang’in Kipawlna tawh kisai thu leh late avaihawm thei dingin Vaihawmpi Pawl (Board of Directors) leh Kipawlna maban khempeuh ah ma apang dingin Makaipi Pawl (Executive Committee) kiteelkhia hi. 

Board of Directors pen Zomi Innkuan kipawlna tuamtuam panin Pawllutang-te leh Tangmite (Representatives) tawh kilam a, Board Chairman dingin Florida Zomi Innkuan’ Pawllutang Pu Thang Do Hang kiteel hi. Board Secretary dingin Appalachian Zomi Innkuan’ Pawllutang Pu Zam Sian Khai kiteel hi. 

Thukhunpi zui-in, Khawmpi sung ah Kipawlna’ Makaipi Pawl (Executive Committee) kiteelna kibawl hi. Khawmpi akah khempeuh in asimtham a vote piakdan tawh panmunlen (7) teel masa hi. Tua EC panmunlen (7) sung panin panmun tuamtuam alen dingin anuai a bangin khatkhit khat kiteel hi. 

Zomi Innkuan USA

(Zomi Community USA)

Teelcing Makaipi Pawl (Executive Committee)

President                      : Pa Ngo Cin Thawng (Zomi Innkuan DC)

Vice Presdient              : Rev. Thawng Khan Cin (Zomi Innkuan Oklahoma)

General Secretary         : Taang Go Sawm Khup (Zomi Innkuan Oklahoma)

Asst.Gen.Secretary       : Tg. Dong Khan Khup (Zomi Innkuan DC)

Treasurer                      : Tg. Thang Do Hang (Florida Zomi Innkuan)

Auditor                         : Pa Thang Cin Pau (Appalachian Zomi Innkuan)

Public Relation Officer  : Rev. Dr. Chin Do Kham (Zomi Innkuan Chicago) 

Zomi Innkuan kipawlna tuamtuam pan pawlmi mimal aphazah zui-in Tangmite (Representatives) akipuak khit ciangin Board of Directors limtak in ding thei ding hi. Tua ciang Board of Directors sung a panmunlente’ minte leh Kipawlna’ Thukhunpi a bukim in kipulak ding hi. Zomi Innkuan USA kipawlna leh Khawmpi tawh kisai thute zong cingtaak takin hong kipulakkik ding hi. Tuakhit ciangin Board thukimpihna tawh Executive Committee in kum khat sung sep ding bawl ding mabante kipan thei ding hi. 

Khawmpi akah khat ka hihna leh Khawmpi thusa kahihna tawh, tutung hizah hong kophot ning. Thu kisam a om bangin Makaipite in hong pulaklai ding hi. (Khialhna a om leh hong telsiam un). Akua mahpeuh cidam in vai ading theiciat dingin hong lam-en ingh.Lungdam ingh ei!

Mangpha! 

Thupuak:- 

Taang Go Sawm Khup

Tulsa, OK.

918-254 8033

Photo: Zomi Innkuan USA Executive Committee

L to R - Pu Ngo Cin Thawng, Rev. Thawng Khan Cin, Tg. Go Sawm Khup, Tg. Dong Khan Khup, Tg. Thang Do Hang, Pa Thang Cin Pau, Dr. Chin Do Kham

A (2) veina Zomi Innkuan Khawmpi, Oklahoma.
Zomi Innkuan (USA) Press Release 1/2005

Photo: Zomi Innkuan Khawmpi hong kah makai, mipi te, Aug. 21, 2005

Zomi Innkuan USA

Florida, Washington D.C, Oklahoma, Appalachian, Portland, Chicago

 

Thupulakna

Asimna :           : EC/01/2005

Ani :                 : August 22, 2005

 

Athu :              : Zomi Innkuan USA Khawmpi

 

1.       August 20, 2005 (Saturday) ni in, Oklahoma state, Tulsa khuapi, Dr. H. Chin Khen Mang-te’ Inn ah, Amasa pen Zomi Innkuan USA kipawlna’ Khawmpi lawhcing takin kibawlzo hi. Nitak nai 6:00PM  a kipan in Khawmpi asiim Zomi makai khempeuh ankuang umkhopna kinei hi. Dr. H. Chin Khen Mang-te’ innkuan in, Khawmpi akah khempeuh nitak-an tawh hong vaak uhhi. Nitak nai 7:30PM a kipan in, Khawmpi kipan thei a, zanlam nai 11:30PM in picing takin kizo hi. 

2.       Zomi Innkuan USA kipawlna’ Khawmpi akah dingin, mun tuamtuam a Zomi Innkuan kipawlna makaite leh USA gam sung a om Zomi ulian mipil misiamte, laito pan leh ZoNet Email Group tawnin a  kisamkhawm ahi hi. Khawmpi akah Zomi makaite’ minte hih thupulakn tawh athuap in kisuaksak hi. 

3.       Khawmpi sung ah, Zomi Innkuan USA kipawlna amakai dingin a kiteel, Florida Zomi Innkuan kipawlna President Pa Gin Za Pau in, Khawmpi Ukpi sem a, Zomi Innkuan Oklahoma kipawlna Secretary Taang Go Sawm Khup leh Zomi Innkuan DC kipawlna Secretary Tg. Dong Khan Khup-te in, lai-at/thuciamteh sem uhhi. Khawmpi akah Zomi makai khempeuh in, ki-itna leh deihsakna takpi tawh thu sungkhawm in, lungkim takin thukikupna kibawl thei hi. 

4.       Khawmpi akah Zomi makaite in, August 20, 2005 ni sun nai 1:30PM pan 3:00PM kikaal sungin, Jenks khuapi, Pa Ngo Thang-te’ inn ah, Khawmpi sung a kikup ding thu leh late sunkhopna nei masa hi. Tua thu sunkhopna leh thukikupna sung panin, thu kisung khempeuh kaikhawm a, Khawmpi sung a kikup ding thubulpite (agenda) a teelkhia dingin, Zomi Innkuan kipawlna tuamtuamte’ President/Chairman-te thu kipia hi. 

5.       Zomi Innkuan kipawlna tuamtuamte’ makaipite in, thu kisungte tungtawn in, Zomi Innkuan USA kipawlna picing takin adin’ zawhna dingin,

-          Kipawlna’ ngimna bulpite kician takin khun masak ding,

-          Kipawlna’ dinmun picing takin phuh/khensat masak ding,

-          Kipawlna kalsuan dan dingte kitel takin geelkholh ding, …

cihte kisam ahih manin, Kipawlna Thukhunpi gelh masak ding tawh kisai kikup dingin khensat uhhi. 

6.       Kipawlna’ Thukhunpi (ahaam/draft) agelh ding, USA gam sung a om Zomi taangpi taantgta in Thukhunpi a kipsak theihna dingin sep ding bawl dingte ah a tanu/palai dingin, Kipawlna’ Tanupawl (Executive Committee) khat kiteelkhia hi. 

7.       Tanupawl (EC) sung ah panmun 7 khun’ dingin kikhensat a, anuai a Zomi palaite, Khawmpi akah mipi in teel hi.

Taang Go Sawm Khup       : Thuvaanpi

Tg. Dong Khan Khup         : Thusapi

Tg. Thang Cin Pau              : Member

Pa Ngo Cin Thawng           : Member

Rev. Vungh En Thang       : Member

Pa Zam King Mang           : Member

Dr. H. Chin Khen Mang     : Member 

8.       2005 Thanksgiving day lapin, Tanupawl (EC) in, Khawmpi sung a thu kisungte, Zomi ulian mipil misiamte’ kuppihnate leh Zomi Innkuan kipawlna makaite’ deihsaknate kaikhawm in, Thukhunpi ahaam in a masa pen (first draft) hong gelh ding uhhi. Taangpi’ kuppihna leh puahphatna tungtawn in, Thukhunpi ahaam in anihna (second draft) pen 2005 Christmas lap-in kigelh ding a, Tanupawl (EC) in Zomi Innkuan kipawlna tuamtuamte tawh kikumkhawm in, Thukhunpi a kikipsak theihna dingin vaihawm ding hi. 

9.       Zomi Innkuan USA kipawlna’ Thukhunpi a kikipsak khit ciangin, tua Thukhunpi zui-in, Kipawlna kalsuan ding hi.

 

Sd. xxx

(Taang Go Sawm Khup)

Thuvaanpi

Zomi Innkuan USA

 

Photo: Zomi Innkuan Makaipite pawl khat   

A Khat veina Zomi Innkuan Khawmpi, Florida.
Zomi Innkuan (USA) Press Release 1/2005

        

              Photo: Zomi Innkuan Khawmpi hong kah Delegates teng

Standing L to R - 1. Pa Pau Sian Lian(Florida Zomi innkuan, FZI),  2. delegate (FZI) ??, 3. Thomas On Sian Mung (Zomi D.C), 4.delegate(FZI), 5. Pa Kam Sian Lian(FZI), 6. Pa Thang Tul Mung(FZI), 7. Pa Sian Ngen Kam(FZI), 8. Pa Kam(FZI), 9. Pa Feddie..(FZI), 10. Tg. Hangpi(FZI)
Sitting L to R - 1. Sia Go Khan Pau(FZI), 2. Pa Vung En Thang(FZI), 3. Pa Pau Cin Lian(Chicago), 4. Pa Ngo Cin Thawng(Zomi D.C), 5. Pa Gin Za Pau(FZI), 6. Tg. Go Sawm Khup(Oklahoma), 7. Pa Thang Cin Pau(Appalachian)

             Zomi Innkuan Conference: Florida, USA, Press Release

Press Release Number : 01/2005
Date : Monday, March 28, 2005
Ref: "Zomi Innkuan (USA)" Organization

1. The first ever Zomi Innkuan Community Conference was successfully held at Hollywood, Florida, U.S.A on Saturday, March 26, 2005.
2. The said first ever Zomi Innkuan Community Conference was hosted by Florida Zomi Innkuan (USA) and delegates from the following commuties attended acordially,
- Florida Zomi Innkuan (USA)
- Zomi Innkuan Washington D.C
- Zomi Innkuan Chicago
- Appalachain Zomi Innkuan
- Zomi Innkuan Oklahoma
- Zomi Innkuan Portland sent their courtesy letter with their agendas.
- A delegate from Canada attended as an observer.
3. The said Conference deliberation passed an agreement to establish an organization of all existing Zomi Innkuans in U.S.A and founded the organization : "Zomi Innkuan (USA)".
4. An interim Committee was formed up to lead the newly established "Zomi Innkuan (USA)", with the present Chairman/Presidents and Secretaries of the member Zomi Innkuan Communitiesand the President and Secretary from Florida Zomi Innkuan (USA) are assigned the Chairmanship to the said Interim Committee.
5. The Interim Committee will draft a Constitution with the consultations of member Innkuan communities within the future six months and after a referendum it would be made effective on Thanksgiving Day 2005. Then,  the "Zomi Innkuan (USA)" would go ahead accordingly by the new Constitution.

Vungh En Thang
Convener
Zomi Innkuan Conference


Photo: Zomi Innkuan Khawmpi, March 26 2005                       

 


A (


Visit Zomi D.C Home : www.zomidc.org

                                      Visit:  Zomi Innkuan Khawmpi Photos

 

 

Use Advanced Search

 

 

 

 

 

 

 

 

 

 

 

 

Homeprepaid phone cards |prepaid phone cardsNews Achieves |About Us |Contact Us  |Links|Membership |Guestbook  |Interviews

 

Copy Right  ® 2005-2007 All rights reserved
Published by Zomi Innkuan Washington D.C, USA

webmaster@zomidc.org