|
Posted on:
Sunday October 30, 2011 08:03 PM -0500
|
|
Zomi D.C News Archvies
in 2010 |
Tg. Zam
Tual, B.S Mechanical Engineering,
University of Maryland, College Park, December 2010
More Info: Zomi D.C Educational Page
Tg.Thang
En Thawn & Lia Niang Deih Nuam Wedding Ceremony
 
Pa Sian Khan Pau & Nu Man Khan Vung te Tapa,
Zomi Innkuan D.C member Tg. Thang En Thawn (Thawn) leh Pa
Hau Lian Mang & Nu Vung Nian No te Tanu Lia Niang Deih nuam (Kangnu)
te kitenna mopawi pen December 18, 2010 ni in Maranatha Community
Church of God, Frederick, MD ah picing tak in kibawl aa, tualai ah
sak leh khang pan mi tam pin hong muak thei uh hi. Kitenna Mopawi
man te a nuai aa link ah kien thei hi.
View
Thawn & Kangnu's Wedding photos at :
http://picasaweb.google.com/osmung/ThawnKangnuSWeddingPhotos#
More info:
www.zomidc.org
Zomi D.C News group
*Posted on Sunday, December 18, 2010 @ 11:55:00 pm EST by Webmaster*
Tg. Dong Khup & Lia Zam Cing Wedding Ceremony
 
Siapi
Ngen Za Dal (late) leh Nu Dim Khan Niang te tapa, Zomi Innkuan D.C
Secretary pa a hi Tg. Dong Khan Khup leh Pa
Zam Cin Kam leh Nu Vung Khawm Niang te
Tanu Lia Dim Zam Cing te pumkhat suahna Mopawi pen November 20,
2010 ni in Second English Lutheran Church, Baltimore, Maryland ah
nasia tak leh picing takin kibawl aa, tualai ah sak leh khang pan
mi 500 val bang in hong muak thei uh hi. D.C kiim aa om
 Zomite
lak akibawl Mopawi te ah hong pai mi a tam pen pawl lak ah khat hi
kha dingin kigen hi. Tg. Dong Khan Khup pen Zomi Innkuan D.C
kipawlna ii President leh Secretary panmun pante hong sem to to
makai khat a hi hi. Hibang in pumkhat suah Mopawi limci mahmah
hong neih theih manun Zomi Innkuan D.C pan zong nakpi takin
kiangtanpih mahmah hi.
*Posted on Sunday, November 21, 2010 @ 11:55:00 am EST by Webmaster*
Zomi D.C
Khuado pawi nuamtak kibawl
Zomi Innkuan D.C Kum 9 cinna leh Zo ngeina Khuadopawi pen Zomi
innkuan D.C makaihna tawh October 30, 2010 ni in Baltimore,
Maryland ah picing tak in kibawl aa, tualai ah Zomi pih tampi in
hong muak uh hi. Tukum pen kum dang tawh kibang loin hong pai mi
zong kitam mahmah a, lasakna bek hi lo in mipite gualnop theih
nading kimawlna te zong kihel in hong pai mi khat ciat in nuam sa
mahmah uh hi. Sun lam teng in bawlung suihna zong kinei thei hi.
Nitak hun zatna ah Rev. Suan Khan Mang in Chairman sem in
Khuadopawi tawh kisai leh Zomite hanthotna Pa Thang Suan Mang in
hong nei uh hi. Gualnopna atuamtuam bawlna pen Pa David Suanno leh
Tg. Thawng Mung ten hong makaih uh aa, mee (Lottery) sawkna zong
kinei hi. Tualai ah First Prize pen Lia Mary Bawi Niang, Second
Prize Lia Zunnu, Third Prize Tg. Pa Suan te in ngah uh hi.
Zomiten i Zo ngeina manpha khat a hi Khuadopawi pen i kepcing den
ding thupi mahmah hi.
*Posted on Sunday, October 31, 2010 @ 11:55:00 am EST by Webmaster*
ZCCC
pawlpi Kum (3) Cinna nuamtak kibawl
Zomi Innkuan D.C huam
sunga Zomite makaih pawlpi khat a hi, Zomi Christian Community
Church (ZCCC) ii kum (3) cinna pawi pen Saturday,
October 23, 2010 ni in
Baltimore, Maryland ah nasia tak leh picing takin
kibawl aa, tualai ah Washignton D.C kiim aa om Pawlpi tuamtuam
pan mi tampi in vamuak thei uh hi. ZCCC Pawlpi pen 2007
October kha in Zomite makaihna tawh a kiphuankhia pawlpi khat
a hi hi. Tulai tak in Washington D.C kiim ah Zomi te makaih
pawlpi thum om hi.
*Posted on Sunday, October 24, 2010 @ 11:55:00 am EST by Webmaster*
Thawngno
& Awikhawm's Wedding Ceremony
Dr. Cope Ya Pome (Khup Za Pum) leh Nu Ciin Niang te Tapa, Zomi Innkuan D.C
makai khat a hi Tg. Thawng Khan Cin (Thawngno) leh Pa Cin Za Kam leh
Nu Mang Thian Dim te Tanu Lia Awi Khawm Huai te pumkhat suah kitenna
mopawi pen September 25, 2010 ni in Washington D.C Calvary Burmese
Church ah nasia tak leh picing takin kibawl aa, tualai ah sak leh
khang pan mi tampi in va muak thei uh hi. U Thawngno pen Zomi
Innkuan D.C kiphot khiat cil aa kipan tudong ciang Zomi D.C aading
ma hong pang den khat a hi hi. Hi bang in kitenna mopawi hong neih
theih pen Zomi Innkuan D.C in zong nakpi takin kilungdampih hi. Koi
koi i tung zongin Zomite in i angkawi ding zi leh Pasal pen ei Zomi
sung mah zong tek leng i minam hong mangthan nawnlo dinga, Zomite
gual tung kituang ding hi.
View Wedding Photos at:
http://picasaweb.google.com/osmung/ThawngnoAwikhawmSWedding#
Zomi D.C News group
*Posted on Saturday, Septempber 25, 2010 @ 11:55:00 pm EST by Webmaster*
Special Report : Thawnkham & Sangpi Concert te picing takin kizo
Zomi sungpan lasa minthang te geel a hi Thawnkham leh Sangpi te ii
USA TOUR – 2010 Summer Concert te picing leh nasia tak in kibawlzo
ta hi. July 24 -
Lancaster, Pennsylvania; August 6 -
Jacksonville, Florida;
August 14 - D.C Area;
August 21-
Grand Rapid, Michigan;
August 28 -
Atlanta, GA; August 29 – Greensboro, North Carolina;
 September
4 - Indianapolis, Indiana; September
5 - Fort Wayne, Indiana ;
September 11 – Franklin, Tennessee cih mun 10 te ah picing tak leh
gualzo tak in kibawl zo hi. Tua bek thamlo in D.C Area kiim aa
Zomite makaih pawlpi thum te kigawm in a kibawl A (3) veina Zomi
Singsong service pawi ah hong a mau te geel hong kihel uh aa, la
ngaih no no tampi hong sa uh hi.
Read More.......
A (3)
Vei na Zomi Singsong Service nuamtak kizo
Zomi Innkuan D.C huam sunga om Zomite makaih pawlpi thum a hi Sizang
Burmese Mission Church, Zomi Christian Community Church, Evangelical
Baptist Church te kigawm khawm in a thum vei na lasakna pawi pen EBC
pawlpi te makaihna tawh Calvary Lutheran Church, Mt. Airy, MD ah
nasia tak leh picing takin kibawl hi. Tualai ah Pa David Suanno in
Hun uk sem aa, Rev. Lian Khan Kap in Hanthotna pia hi. Pawlpi thum
te sung pan la ngaihno no tampi kisa hi. Tedim khua Cope Memorial
Baptist Church pan Pastor Rev. Khup Khen Pau in zong thu genna hong
nei thei hi. Zomite sungpan lasa siam te a hi Thawnkham, Sangpi,
Suanlian leh Thawngmung te in zong la ngaihno no te hong sa uh a,
zaknop kisa mahmah hi. Zomite sung pan Guitar thum minthang Tg.
Zenlian leh E.Tuang te zong hong kihel thei uh in thupi kisa mahmah
hi. Lasa siam Thawnkham leh Sangpi zong US gam State tuamtuam ah
Concert a bawl koi koi na uh picing tak in manta uh D.C Area pan
dingkhia ta uh hi. A (3) vei na Zomi Singsong Service pen nitak
11:15 pm kim in nuamtak kizo hi. Hih Singsong Service hangin Zomite
sung kipumkhatna leh ki-itna nasia takin hong khangsak aa, hi bang
aa kimuhkhopna Zomite sung neih khop zel ding kilunggulh tek hi.
View Zomi Singsong Serive Photos at:
http://picasaweb.google.com/osmung/A3VeiNaZomiSingsongServiceDCArea#
Zomi D.C News group
*Posted on Tuesday, Septempber 14, 2010 @ 6:55:00 pm EST by Webmaster*
Thawn Kham & Sangpi Tour USA-2010, Summer Concert
Vocalists : Thawn Kham & Sangpi
Guest Vocalists: Suan Lian & Milla Dawt
Hniang
Musicians: Lead - Zen Lian
Bass - Salai TukTuk
Keyboard - Khaipaak
Drum - Thawng Mung & Sangpi
Date: August 14, 2010 (Saturday)
Time: 7:00 P.M - 10:00 P.M
Venue: Celebration Church
6080 Foreland Garth
Columbia, MD 21045
Contact : Dong Khup @ 443 629 3329, Zen Lian @ 443 739 0566
**
The concert event across the U.S
(1)
July 24:
Lancaster, PA
(2)
August 6:
Jacksonville, Florida (To be
confirmed)
(3)
August 7:
Miami, Florida
(4)
August 14: D.C Area
(5)
August 21:
Grand Rapid,
Michigan
(6)
August 28:
Atlanta, GA
(7)
September 4:
Indianpolis, IN
(8)
September 5:
Fort Wayne, IN
(9)
September 11:
Greensboro, NC
Zomi D.C News group
*Posted on Sunday, July 17, 2010 @ 11:55:00 pm EST by Webmaster*
Thomas Mung's Graudation
Ceremony
Zomi Innkuan D.C E.C member leh Secretary of Culture, Literature,
and Information pan mun len ahi, Siapi Ngen Za Dal (late) leh Nu Dim
Khan Niangte Tapa Tg. Thomas On Sian Mung in May 15, 2010 (Saturday)
ni in Washington D.C ngei aom Engineering Sang mingthang khat a hi
Capitol College pan in B.S in Electrical Engineering tawh degree
hong la thei a hih manin Zomi Innkuan D.C leh Zomibup in
kilungdampih in kiangtanpih mahmah hi. Tg. Thomas Mung in a sang uh
pan a mark sang (Honor) tawh gualzawhna hong ngah lai lai a hih
manin namdangte tawh liangko kikim aa gualzawhna hong pia i biak
Pasian min phat hang. Lungdamkoh ankuang umna leh Topa tung
lungdamkoh biakpiakna zong Zomi D.C memberpih te tawh a inn vuah
nasia tak in bawl cih thu kiza hi. Zomi leh Zogam a zun ding mipil
tampi kisam lai i hih man in Khangno te i hanciam ciat ding thupi
mahmah hi.
View graduation Photos at:
1.
http://picasaweb.google.com/thawngnoaroma/Thomas#
2.
http://picasaweb.google.com/osmung/MyGraduationPhotosBS#
Zomi D.C News group
*Posted on Sunday, May 16, 2010 @ 11:55:00 pm EST by Webmaster*
Graudation
Ceremony ah Sapna lai
Dear Zomi D.C memberpih teng,
Pasian hong lamlak na tawh B.S in
Electrical Engineering
degree la thei ding ka hih manin a nuai aa hun geel na bangin a
kuamapeuh nong muak ciat nangun itna lianpi tawh hong sam ing.
Graduation Ceremony
A ni : May 15, 2010 (Saturday)
A hun : 9:45 am
A mun :
Capitol College
11301 Springfield Road
Laurel, Maryland 20708
Lungdamkoh ankuang umna leh biakpiak kikhopna
A ni : May 15, 2010 (Saturday)
A hun : 5:30pm (ankuang umna)
7:30pm (biakpiak kikhop)
A mun :
8741 Mary Lane
Jessup, MD 20794
Itna tawh,
Thomas On Sian Mung
*Posted on Wednesday, May 12, 2010 @ 11:55:00 am EST by Webmaster*
2010 - 2012
Zomi Innkuan D.C Election Nuamtak kizo
2010 - 2012 sung Zomi Innkuan D.C hong makaih ding Makai kitelna
Election pen April 17, 2010 ni in Tg. Dong Khan Khup te inn,
8741 Mary Lane, Jessup, Maryland ah picing takin kibawl aa, hong
pai mipi te Vote piakna tawh a nuai aa bangin kitel khia hi.
I. 2010 – 2012 Zomi Innkuan D.C Advisory Board
- Pa Khai Cin Pau
- Pa Thang Lian Pau (Zotaang)
- Rev. Suan Khan Mang
II. 2010 – 2012 Zomi Innkuan D.C Central
Executive Committee (CEC)
President
– Pa Ngo Cin Thawng
Vice President
– Pa Nang Sian Thang
General Secretary – Tg. Dong Khan Khup
Assistant General Secretary – Pa David Suanno
Treasurer - Pa Khai
Khan Dal
Auditor 1 – Pa
Ving Khan Thang
Auditor 2
– Pa Cin Do Khup
E.C member – Pa Albert Pau Za Lian
E.C member – Pa Khup Sian Lian
E.C member – Tg. Thomas On Sian Mung
Secretaries of
Music & Entertainment - Tg. Thawng Sian Mung
- Tg. Zen Lian
Secretary of Culture, Literature, and Information– Tg.Thomas On
Sian Mung
Secretary of Sport – Tg. Kham Sian Muan
Head of Area Leaders – Pa Thang Za Mung
III. Sub-Committee Members
1. Culture
Committee members
- Nu Cingh Za Huai (Nu Kok)
- Pa Awi Sawm Pau
2. Music
& Entertainment Committee members
- Tg. Thawng Khan Kam
- Tg. Nang Khan Pum (Nangpu)
- Tg. Zam Go Mang
- Pa Zam Mun Mang
- Tg. Pum Hen Thang
- Tg. Gin Za Khai (Khaipaak)
- Tg. Thang Hau Mung
3. Sport
Committee members
- Tg. Thang Tung
- Tg. Mang Hen Khai
4. Area
Leaders (Veng Hausa)
- Frederick Veng – Pa Joseph Thang Suan Lian
- Laurel/Riverdale Veng - Tg. Nang Khan Pum (Nangpu)
- Baltimore Veng – Pa Thang Za Mung
-
Montgomery County Veng - Tg. Pau Sian Lang
- Virginia Veng - Pa Nang Khan Hang (Hangpu)
Information Department
Zomi Innkuan Washington D.C
*Posted on Sunday, April 18, 2010 @ 1:00:00 am EST by Webmaster*
|
|
A (2) Veina Zomi
Singsong Service Nuamtak kibawl
Washington D.C kiim aaom Zomite makaih Pawlpi te ahi
Evangelical Baptist Church (EBC), Sizang Burmese Mission
Church (SBMC), Zomi Christian Community Church (ZCCC) te kipawl
khawmin a (2) veina Zomi Singsong Service pen April 10, 2010
(Saturday) ni nitak nai 6:30pm in Sizang Burmese Mission
Church te inntekna tawh, SBMC Church, 11845 Seven Locks Road,
Potomac, Maryland ah nasia tak leh picing takin kibawl hi.
Tualai ah Hun uk Tg. Nang Kam Piang in sem a, Kipatna thu
ngetna Rev. Suan Khan Mang, Sumpi aap thu ngetna Rev. Lian
Khan Kap, Hanthotna Rev. Cin Do Thawng, Hun tawp thu ngetna
Rev. Zam Khai te in hong nei uh hi. Zomite sung pan lasa siam
te in la dawng 22 tawh Pasian phatna kinei ziahziah aa, hong
pai khempeuh in tha kingah mahmah hi. Zomi Guitar siam
minthang Tg. Zen Lian in zong a siamna hong lak khia aa nopci
kisa mahmah hi. Washington D.C kiim aom
Zomite kithu tuakin Pasian phat khopna i neih theih pen
lungdam huai leh et teh huai mahmah hi. Leitungbup Zomite zong
kilungtuak kithu tuakin Pasian aading gam leh minam aading
mapang khawm ciat hi.
Check Celebration photos at :
http://picasaweb.google.com/osmung/A2VeinaZomiSingsongService2010#
Watch Video at :
http://www.ustream.tv/recorded/6101929
*Posted on Saturday, April 11, 2010 @ 12:00:00 am EST by Webmaster*
A (2) Veina Zomi
Singsong Service kibawl ding
Washington D.C kiim aaom Zomite makaih Pawlpi te kipawl
khawmin a (2) veina Zomi Singsong Service pen Sizang Burmese
Mission Church te makaihna tawh a nuai aa hun geelna
bang kinei ding a hih manin Zomi a kua ma ciat pai in tha
pia ciat
ni. Tualai ah Pasian phatna la tuam tuam te kisa ding hi.
A ni : : April 10, 2010 (Saturday)
A mun : : Sizang Burmese Mission Church
(Seven Locks
Baptist Church)
11845
Seven Locks Road
Potomac, MD 20854-3340.
------------ --------- -----
From Frederick:
::- Bear right onto US-40 E
toward WASHINGTHON/ BALTIMORE
::- Continue on I-270 SOUTH
::- Take exit #6 onto I-270 LOCAL SOUTH toward W. MONTGOMERY
AVE
::- Take exit # 4B/MONTROSE RD WEST onto MONTROSE RD
::- Turn left on SEVEN LOCKS RD
::- Arrive at
11845 SEVEN LOCKS RD, POTOMAC, on your left.
From Laurel, Greenbelt,
Riverdale, and Virginia etc.,
::- Take right fork onto I-270 NORTH toward FREDERICK
::- Take right fork onto I-270 LOCAL NORTH toward MONTROSE RD
::- Take exit #4B/ MONTROSE RD WEST onto MONTROSE RD
::- Turn left on SEVEN LOCKS RD
::- Arrive at 11845 SEVEN LOCKS RD, POTOMAC, on your left
Zomi D.C
News Group
*Posted on Friday, April 9, 2010 @ 12:00:00 am EST by Webmaster*
|
Zomi D.C
Makaihna tawh Khuadopawi picing takin kibawl
Zomi Innkuan D.C
makaihna tawh Washington D.C kiim aom Zomite in Zomi Innkuan D.C kum
8 cinna leh Zo ngeina khuado
pawi pen October 31, 2009 nitak in St. Stephen Lutheran
Church,Baltimore, Maryland ah nasia tak leh picing takin kibawl a,
tualai ah D.C Area kiim pan Zomi 400 kiim bang hong kihel uh a,
picing takin kibawlzo in hong kihel mimal khat ciat in nuam kisa
mahmah hi. Tualai ah Khuadopawi thu genna, theih huai tuamtuam genna,
Social game kimawlna, Zola ngaih no no te sakna leh Zo ngeina lam
vui te lam na tuam tuam kinei hi. Zomi sung pan Music tum siam te in
siamna hong lak ziah ziah uh aa, Zomi la sa siam ten hong zai
ziahziah uh in nopci kisa mahmah hi. Hun man ciang in Ankuang
umkhopna kinei thei hi. Pasian hong lam lak na leh Zomite kipum
khatna tawh Zomi innkuan D.C zong kum 8 sung nuamtak ki kalsuan thei
hi. Hih khuadopawi in Zomite kipumkhatna, kilungtuahna hong lak khia
a, namdang ten nasia hong sa mahmah uh hi. Mailam ah hi bangin
Zomite kilungtuak takin Zomite ngeina khuadopawi i bawl toh suak
zawh nading hanciam ciat ni.
Check Zomi D.C
Khuado photos at:
http://picasaweb.google.com/osmung/KhudoPawi2009DCArea#
Zomi D.C
News Group
*Posted on Wednesday, October 31, 2009 @ 12:00:00 am EST by Webmaster*
|
Professor Dr.
Tuanno D.C hong hawh
Kawlgam pan mi minthang khat leh minam aading gam aading ma hong
pang Professor Dr. C. Thang Za Tuan leh azi Sianu Cin Khan Lun,
atapa Haumung, alawmpa Professor Gary te Zomite omna D.C Area kiim
ah hong hawh uh a, October 18, Sunday ni in Zomite makaihna pawlpite
ahi Sizang Burmese Mission Church leh Zomi Christian Community
Church te ah thu genna, hanthotna hong nei thei aa tha kingah mahmah
hi. A mah pen Ministry of Education ah Deputy Director General tawh
pension hongla a, Zomite lak ah Education lam tawh kisai mun sang
pen
atung, Zomi min hong tawi sang Siapi pa a hi hi.
2002 kum in Yangon Institute of Education in Advanced Doctoral
Programme for Senior Educators hong hon ciang in zom thei in
“Cybernetic Science and Information Communication Technology in
Cyberage Pedagogics” Research Dissertation tawh November 4, 2006
ni’n 39th Convocation, Doctoral Degree apiak masak na uah Doctor of
Philosophy (Ph.D) kipia hi. Doctorate degree hong ngah thei hi.
Tulaitak a panmun leh asepte
Advisor: ZBCM; ZCLS; MOMNO; ZOMUS; ZOCIA; ZONU TONG LUAN;SIAMSIN;
DIKOM; BARS (MIT) Insein; Myanmar Birds & Nature Society, (MBNS)-Yangon;Central-CLCC(Universities-Myanmar);
ZTS (Kalemyo); ZCA-Yangon. CCLCC- Universities-Myanmar Sangnaupang
makaite mapanna tawh Human Resource Development Seminar Zogam leh
Zomi University sangnaupangte tawh 2006 kum apat in
kum sim in neih nading ah, Patron & Resource Person khat in mapang
hi..President: Zanggam Zomi Baptist Association (Mandalay) & Agape
Zomi Baptist Church-Yangon. Secretary: Tedim Kipawlna, (Tedim
Association) –Yangon (2004- ). Chief Editor: ZOLUS Journal.
Siapipa pen tulai
tak Washington D.C, aom
American Association for the Advancement of Science
ah
Science Workshop a kah lai tak zong a hi hi. Hibangin Zomi sungah i
muan i suan khat tawh kimu thei, kiho lim theih pen D.C Area aom
Zomite aading angtanhuai mahmah hi.
Also visit Dr.
Tuan's Biography at :
www.zomidc.org/thangzatuan.htm
Watch Dr. Tuan's
sermon here:
http://www.watchonline002.sizangchurch.org/100709_002.htm
Zomi D.C
News Group
*Posted on
Wednesday, October 18, 2009 @ 11:31:00 pm EST by Webmaster*
|
|
 |
|