Zomi Innkuan Wasington D.C, USA

www.zomidc.org Motto "Zomi sungah Innkuan Khat i hi hi ". Estd : 2001

Posted on: Tuesday February 21, 2012 06:28 AM -0500

Zomi Innkuan D.C

hEditorial

hChairman message

hZomi Innkuan History

hBy law

hExecutive committee

hZomi D.C directory

hZomi D.C Contact

hZomi D.C Emails

hZomi D.C kikhop Hun geelna

¶Dr. Vumson webpage

¶Condolence messages of Dr. Vumson

¶Annual report 2005

Zomi D.C Contacts

Office:
10, Beane Hill Ct.
Gaithersburg, MD - 20877
U.S.A
Tel: 1-301-947-0289

Emails & Phone No.:
zomidc@yahoo.com
zomidc@yahoogroup.com
Cheif Editor & website creator(webmaster):
Thomas On Sian Mung
Tel: 1-443-904-7063
osmung@yahoo.com
Chairman:
Tg. Dong Khan Khup
Tel: 1-443-629-3329
dkhup@aol.com Vice Chairman:
Pu Ngo Cin Thawng Suantak
Tel: 1-301-661-6518
ncthawng@yahoo.com
Secretary:
Pa Khup Sian Lian
Tel: 1-703-327-7853
khuplian@msn.com

Zomi D.C News Archvies in 2007

Setting U.S New Record by 8 years old Zomi Student

North Carolina State, Green Bolo khua a teeng Pa Thang Lian Kap ta pa Tg. Kham Sut Khan Piang (Piangpi) in December 10, 2007 aa a kibawl khaukan kimawlna pawi ah a khatna ngah in U.S record khenval hi. Piangpi pen kum 8 pha a, Jefferson Elementary sang ah Tan 3 a kah lai tak a hi hi. Kum 2006 kum in Kum 9 a pha Tan 4 sangnaupang khat in 302 tawh U.S record a khenval pen tukum in Piangpi in 400 tawh kan a, U.S record Khenval hi. Hi thu pen U.S.A gam sung ah a kikhahkhia T.V leh Newspaper te ah kingelh ziahziah hi. Hibang in Zomi naupang khat in U.S record a khenval pen lamdang kisa mahmah a, Kawlgam mi lak pan U.S record a khenval masa pen a hih manin Zomi a kuama ciat in ki angtan pih mahmah hi. Zomite zong Namdang te tawh liangko kikim in Pasian in thupha hong pia cih pen hih thupiang tung tawn in ki thei khia hi.

Source : RFA

To view original report, please visit at : http://www.rfa.org/burmese/news/2007/12/22/chin_champion_in_US_school/

*Posted on Thursday, December 22, 2007 @ 10:45:00 pm EST by Webmaster*

Tg. Hau Lam Pau (Pau Pau) in B.S degree nuamtak la thei

Zomi Innkuan D.C memberpih, Zogam Kawlpi khua aom Pa Than Mawi (U Thein Shwe) leh Nu Tel Man Ciin (Daw Nwe) te Tapa Tg. Hau Lam Pau (Pau Pau) in Baltimore, Maryland, U.S.A aom University of Maryland Baltimore County pan B.S degree in Mechanical Engineering buaih hong la thei a hih manin Zomi a kuama peuh in kilungdampih mahmah hi. Hibang in ei Zomi sung pan khangnote in Pilna lam hong thupi sak in, Leitung gam thupi pen a hi U.S.A pan pilna sang hong ngah uh ciang mailam i Zogam, i Zomite aadingin khuavak khat ataang a hi hi.

Zomi D.C News Group

For more information, please visit at : www.zomidc.org/degreeaward.htm

*Posted on Thursday, December 20, 2007 @ 8:55:00 am EST by Webmaster*

Zomi World Cup ah Zomi OK ten Champion ngah

Kum sim a kibawl den Zomi World Cup Tukpeng kimawlna pen Florida Zomi Innkuan te makaihna tawh Florida State, USA ah Thanksgiving hun sung in nasia takin kibawl aa, tualai ah Zomi Tukpeng Team 5 te kimawl thei uh hi. Tualai ah Zomi Innkuan Oklahoma pan "Zomi Tulsa United" team in Champion hong ngah cih thu kiza a, Oklahoma om Zomite in nasia takin dawn uh in pawi zong nasia tak bawl uh cih thu kiza hi.
Zomi D.C News Group
*Posted on Wednesday, November 28 2007 @ 1:00:00 am EST by Webmaster*

Zomi Innkuan Texas Kiphuankhia

Tu kum November 22 ni( Thanksgiving day) USA gam sung Texas State, San Antonio khuapi ah Pa Thang Sum Nangte innthak thak honpawi tawh kituak in Texas State sungah om Zomite kipum khat theih na ding leh mai lam ah nopna dahna ah ih ki-uap theih nading, minam vai, gam vai ah van pih theih nading lunggulhna tawh Texas Zomi Innkuan(USA) kiphuan khia hi. Kum 2007-2008 sung maikai dingin Executive Committee kiseh in a nuai-a panmun lente vekpi thukimna tawh kikip sak hi. President : Pa Pau Za Khan Vice-President : Pa Khai Khaw Pau General Secretary: Pa Sian Ngen Kam Assistant General Secretary : Pa Kham Do Mung Treasurer : Pa Thang Sum Nang Religious Director : Rev. John Thang Hum Regional Directors: Austin : Tg. Gin Lam Song Dallas/Ft.Worth : Pa Thang Tul Mung El Paso : Pa Cin Tul Kim Houston : Tg.Go Than Tuang Laredo : Pa Cin Lian Sum San Antonio : Tg.Khual Theih Lian Hih Zomi kipawlna in mai lamah Texas state sungah Zomite nopna dahna vai bek hi lo in, USA gam sung leh gam tuamtuam aa ah omsa Zomi Innkuan/ Zomi kipawlna te tawh khut kilen-a ih gam, ih minam leh ih biak Pasian gam ading mapang khawm,sem khawm, gel khawm diamdiam theih ding ngimna thupi tak kinei hi. Thupuak, Sian N.Kam General Secretary/TZI

*Posted on Wednesday, November 28 2007 @ 3:00:00 pm EST by Webmaster*

Zomi Innkuan D.C ah Mopawi

Zomi Innkuan D.C memberpih sung pan Tg. Vum Zakam Suanh (Kamsuan) leh Lia Zam Lam Dim (Dimdim) te pumkhat suahna Mopawi pen October 27, 2007 ni in Sizang Burmese Mission Church, Potomac, Maryalnd ah picing takin kibawl aa, tulai ah Rev. Dr. James P. Singzakhai in pumkhat suahna neih sak in, Zomi u leh nau tampi te in vamuak thei uh hi. Hih bangin Zomi sungah Lia leh Taang te hong kiteen ciangin ei mi aading phat tuamna leh i minam kepcin na khat a hih manin gamdang tung Zomite zong ei leh ei mah i kiten ciat ciat ding thupi mahmah hi.
Zomi D.C News Group
*Posted on Thursday, November 1 2007 @ 12:00:00 am EST by Webmaster*

Zomi D.C Khuado pawi nasia tak in kibawl
Kum 2007 Zo Ngeina Khuadopawi leh Zomi Innkuan D.C kum 6 cinna pawi pen Zom Innkuan D.C makaina tawh October 27 ni in Zotaang innpi ah nasia tak leh picing takin kibawl aa tualai ah Zomi pih te tampi hong kihel uh hi. Tualai ah special guest in Zomi Innkuan USA President a hi Dr. Chin Do Kham zong Tulsa pan Khuado pawi hong siim a, Zomi te aading thu man pha leh mailam kalsuan zia ding thu tampi hong pulaak in, tha kingah mahmah hi. Upmawh lopi in sak leh khang pan Zomi te hong kisutuah in mi kitam mahmah a, Zo an, Kawlan, Mangan kine in Zo ngeina lam te kilam ziahziah in nuam kisa mahmah hi. Zomi te in i Khuado pawi pen i ngeina thupi mahmah khat hi a, Zomi a kuamah ciat in kum sim i bawl den ding leh i ngeina te i kepcing ding thupi mahmah hi. Khuado mante anuai ah Video Slide Show tawh kien thei hi.
Zomi D.C News Group
New link: Leitungbup Zomi Innkuan Khuadopawi Photos
Khadow Videos Links : www.zomidc.org/videospage2.htm

*Posted on Sunday, October 28 2007 @ 2:22:00 am EST by Webmaster*

Zomi D.C Khuadopawi Sapna lai

Kum sim a kibawl den i Zongeina Khuadopawi pen tukum aading in zong Zomi Innkuan D.C makaihna tawh kibawl ding ahih manin US gam sung leh leitung mun tuamtuam aa om Zomite a kua ma ciat in nong muak tek nadingun kong sam uh hi.

Ani: October 27, 2007
Ahun: 1:00 P.M - Midnight
Amun: Zotaang InnPi
10 Beane Hill Ct.
Gaithersburg, MD 20877

Zomi Innkuan D.C

USA

*Posted on Saturday, October 13 2007 @ 12:00:00 am EST by Webmaster*

Siapi A. Ngen Za Dal ii memorial service nuamtak kibawl

Hong nusia Siapi A. Ngen Za Dal ii memorial service pen a Tate omna Washington D.C Area, Baltimore, Maryland ah September 8 ni in, Holy Nativity Lutheran Church ah picing takin kibawl aa, tualai ah mi tampi hong kihel thei hi. Tualai ah hun uk Sia Albert Pau Za Lian in sem a, Zomi Innkuan D.C secretary Pa Khup Sian Lian in Biography leh Slide show lahna hong nei in a ta te a hi, Tg. Tawng Cin Khai, Tg. Dong Khan Khup, Tg. Thomas On Sian Mung, Lia Ciin Ngaih Lun te in thu genna hong nei uh hi. Hanthotna leh thupha piakna Full Gospel Assembly pawlpi kem Sia Rev. Dr. Dam Suan Mung in hong nei in tha kingah mahmah hi. Siapi Ngen Za Dal tawh kisai thu pulak na Zomi D.C pan Pa Khai Khan Dal, a sangkah pih te a hi Pu Ngo Nang, Pu Lian Uk leh Sianu Rev. Vung Za Niiangte in hong nei uh hi. Kawlgam pan hong zin a hi Grace Music Institute pan Sia David Sum in zong lasakna hong nei thei hi. Siapi pa tawh kisai photo (man) te lahna zong kinei suak a, muh nop kisa mahmah hi. Hun man ciangin mipi te, Zo an, Mang an, Kawl an tawh kivak ziah ziah hi. Siapi A. Ngen Za Dal hong nut siat na tung tangin hong buai pih sanggam uh leh nau khempeuh tung lungdamna lianpi kiciamteh hi ci in a om lai innkuanpih te tung tang in kong pulaak uh hi.

Zomi D.C News Group

*Posted on Saturday, September 9 2007 @ 12:00:00 am EST by Webmaster*

Siapi A. Ngen Za Dal in hong nusia

Zomi Innkuan Chairman pa Tg. Dong Khan Khup leh Zomi Innkuan D. C lailam makai leh Zomi D.C webmaster Tg. Thomas On Sian Mung ii pianna pa; Zomi sungah Pilna lam tawh Zomi khangno te hong pat tah to to leh Zomi sungah mipil tampi hong suak khia sak, Siapi Ngen Za Dal in August 27, Sunday nitak nai 6 in Yangon Zatopi pan a it mahmah a innkuanpih te leh Zomi pih te hong nusia in Vangam hong zuan san ta hi. Siapi Ngen Za Dal pen 1937, September kha 11 ni in Tedim gam Vangteh khua ah suak in Rangoon University pan B.A. Dip Ed. hong ngah hi. A mah pen Zogam teng ah Highschool sangsia, Headmaster, Township officer te hong sem to to in pension a lak dong khangno te hong lam lak to to a hi hi. Siapi Ngen Za Dal hong nutsiat na pen Zomi nam te aading supna lianpi khat a hi hi.

Siapi Ngen Za Dal pen sangnaupangte uk dan, pattah dan siam bek tamlo in a ta 11 te zong uk dan siam in minthang a, a ta te teng pen gualtung tuang sak in mipil vi ve hong suak sak hi. A om lai te - A zi - Nu Dim Khan Niang, M.Div leh a Ta te teng-

1. Dr. Vung Khen Sing, M.B.B.S, Sisai, Shan State

2. Tg. Vungh Za Pau (Late), B.A History,

MOMNO Founder, ZNC makai

3. Nu Niiang Khan Cing, B.Sc Nuring,

President, Zomi Women Union, New Delhi, India

4. Tg. Tawng Cin Khai, B.Sc Zoology, M.S Computer Information System (USA), U.S.A

5. Pa Steven Thang Suan Mang, B.E Civil Engineering, ZRO, India

6. Tg. Dong Khan Khup, A.G.T.I, B.Sc Physics, B.S Electrical Engineering (USA), U.S.A

Chairman, Zomi Innkuan D.C; Secretary, Chin Community of U.S.A

7. Tg.Thomas On Sian Mung, B.Sc Physics, A.S Computer Engineering (U.S.A),

Third year, Electrical & Computer Engineering, U.S.A

Zomi Innkuan D.C Webmaster leh Lailam makai

General Secretary, Chin Student Union of North America

8. Lia Ciin Ngaih Lun, B.Eco (Yangon), Second Year Accounting, U.S.A

9. Dr. Pau Sian Lian, M.B.B.S

10. Lia Cing Sian Hau, B.Sc Computer Science

11. Tg. Pau Khan Suan, 10th grade

Siapi Ngen Za Dal Luanghawm pen mai Friday ni, nitak nai 1 in Judson Church, Hledan, Yangon ah kikhopna kinei dinga, tua pan Ye-wei han ah kivui ding hi. Hi bangin i minam makaipi khat in hong nusia a hih manin Zomi Innkuan D.C pan zong a innkuanpih te tawh kibangin kidahpih mahmah hi.

Zomi D.C News Group

*Posted on Saturday, August 29 2007 @ 12:00:00 pm EST by Webmaster*

Innthak muakna Zomi D.C ah

Pasian thupa hong piak na hangin USA gam om Zomite sungah Inn thak lei tampi kiom ta hi. Tu in zong Zomi Innkuan D.C sung pan Baltimore, Maryland khua aom Sia Nang Sian Thang (Sia Thangpi) te innkuan in innthak hong lei uh a, inn thak muakna pen August 19, 2007 (Saturday) ni in nasia takin kibawl a, tualai ah Zomi laizom tampi in va muak thei uh hi. Tualai ah Rev. Dr. Zam Thang in hun zatna hong nei a, inn teek te in Kawl an, Zo an, Mang an tawh hong vak in hong pai khempeuh in nuam kisa mahmah hi.

Zomi D.C News Group

*Posted on Saturday, August 20 2007 @ 2:18:00 pm EST by Webmaster*

The Second North America Chin Student Conference held

Press Release

The Second Chin Student Union of North America Conference

11-12 August, 2007

Washington DC, USA

The second Chin student Union of North America conference was held on 11-12 at Frederick Community College, Maryland, U.S.A. Over 80 Chin Students and Alumni from Canada and the United States of America attended the conference. The conference once again discussed the opportunities and challenges confronting the Chin students in North America and unanimously reaffirmed their commitment to promoting students’ education and welfare, cooperation and unity among Chin students in various countries around the world.

Read more

Zomi lasa siam Sia Lianpi (Taang lungtup) Washington D.C ah

Zomi Innkuan Washington D.C ii August kha kikhopna pen Virginia aom, World Bank a India gam taang ding Advisor pi a sem Pa Vumlunmang Vualnam te inn ah kibawl aa tualai ah Zomi D.C member te tampi hong kihel thei uh hi. Tualai ah Hong Kong gam aom Lutheran Theological Seminary sang aa M.Th kah, Tedim Baptist Church Yangon (TBCY) ii Youth Director, Zomi Music Uplift Society (ZOMUS) ii secretary lui, Zomi lasa siam aa minthang leh Taang Lungtup Zolakhui, VCD khui hong hawmkhia Sia Suan Khan Lian (Lianpi) in hun zatna hong nei aa, zaknop kisa mahmah hi. Sia Lianpi pen a sang khak sungin hong zin paak hi a, Zomite omna State tuamtuam te ah vahawh koikoi in, August 17 ni in Florida ah Concert pi khat bawl in August kha bei in Hong Kong zuan kik ding hi. Tua bek thamlo in ZOMUS kipawlna ii USA branch koih zawh nading tawh kisai in State teng ah zong va van koi koi in, Zomi Innkuan D.C pan zong nakpi takin kipanpih hi. Tuzang kikhopna ah ZOMUS founder khat in a kihel, ZOMUS Secretary (1) lui Tg. Thomas On Sian Mung in ZOMUS taangthu leh thu sunna hong nei a, Zomi D.C pan ZOMUS aading agent khat koih ding hoih kisa hi. Tua thu tawh kisai mai kikhop ciangin mipi kipsakna kila ding hi. A kizom in mundang pan hong tung thak innkuan te maithak muakna zong kinei suak a, Malaysia pan innkuan khat, taangval nih leh Chicago pan innkuan khat te maithak muak na kinei thei hi.

Zomite Pasian in thupa hong pia in gam tuamtuam te ah minamdang te tawh liangko kikim in na kisem zo ta hi. Tukha Zomi D.C Kikhopna innteek pa, Pa Vumlunmang Vualnam pen gam khempeuh kipawlna World Bank ah India gam taang in Advisor a sep lai tak a hi hi. Ei Zomite sung pan International level in World Bank ah na a sem, zagol mahmah a nei masa pen a hi ding aa, Zomi nam bup aading angtan huai leh kipah huai mahmah hi.

Zomi D.C News Group

*Posted on Saturday, July 28 2007 @ 11:58:00 am EST by Webmaster*

Dr. Kham, Sia Pau te leh Zomi D.C makaite kimuh khopna

Zomi Innkuan-USA President pa Professor Dr. Chin Do Kham leh Australia Zomi Kipawlna (Zomi Association of Australia) makai khat a hi Sia Kam Za Pau te Washington D.C hong hawh uh aa, Zomi Innkuan D.C makai teng leh member pih teng tawh kimu khawm in, thu kikupna tuamtuam kinei aa picing tak in kizo hi. Zomite mailam kalsuan nading leh Zomi Innkuan USA mailam nasep ding thu limci tampi zong kikupna kinei thei hi. Zomi Innkuan USA makaipi Professor Dr. Chin Do Kham pen mai nipi sung in Malaysia aom Zomi pih te kiang zin ding aa, tua tawh kisai in Zomi Innkuan D.C tawh thu kikupna leh Khensatna tampi zong kinei thei cih thu kiza hi.

Zomi D.C News Group

For more information about ZIUSA, please also visit at : Zomi Innkuan - USA

*Posted on Tuesday, July 20 2007 @ 12:00:00 am EST by Webmaster*

IRC, LSS makaite leh Zomi D.C makaite Refugee vai holimna

Malaysia leh Thailand Refugee vai tawh kisai Zomi Innkuan D.C makaite leh IRC (International Rescue Committee), LSS (Lutheran Social Service) makaite kimuh khopna Special Meeting pen June 26, 2007 ni in Baltimore Resettlement Center, Baltimore City, Maryland ah kinei aa, tualai ah Zomi Innkuan D.C pan Chairman Tg. Dong Khan Khup leh Vice-Chairman Pa Ngocintawng Suantak te va kihel thei uh aa, lawhcing mahmah cih thu kiza hi.

Tualai ah Zomi Refugee vai tawh kisai thu leh la tampi kikup khopna kinei thei hi. Malaysia aa om Zomite sung pan UNHCR card a ngah khin a, interview a awng sa te, USA gam ah sponsor a neih kei uh leh Zomi Innkuan D.C in Sponsor piak ding thu kimna kinei aa, USA gam hong tun uh ciang Zomi Innkuan D.C in transportation leh vai tuamtuam kivanpih ding cih thu kiza hi.

Malaysia leh Thailand aa om Zomi Refugee Status ngah sa te akua mapeuh in, Washington D.C lam ah nong pai nop uh leh Zomi Innkuan D.C min tawh Sponsor kipia ding a, Zomi D.C website (www.zomidc.org) sung aa Zomi D.C member khat peuhpeuh min kipia thei hi. Tua bang in min i piak leh Zomi Innkuan D.C makai te a manlang thei thei aa thu zak sak pah ding ki sam hi. Interview pai ciangin kawi ah pai nuam cih hong kidot leh “Baltimore City” ah pai nuam cih ding Zomi D.C Makai te tung pan thu zaksakna kong pulaak sawn uh hi.

Zomi D.C News Group

*Posted on Tuesday, June 26 2007 @ 6:29:08 pm EST by Webmaster*

Tg. Vungh Za Pau Memorial service leh Zomi D.C meeting kinei

Hong nusia khin Zomi Makai, ZNC makai Tg. Vungh Za Pau phawkna a 6 veina memorial service pen a sanggamte omna USA gam Maryland State, Baltimore ah bawl uh aa, tualai ah Zomi Innkuan D.C member te tampi hong kihel thei uh hi. Pu Tg. Vungh Za Pau pen Zomite sungah manggilh theih loh makaipi khat hi a, ZNC Zolentaang Newsletter editor, Zomi Siamsin Kipawlna makai, MOMNO newsletter founder/editor, ZNC secretary te hong sem a, minam aading nakpi takin hong semkhia makai khat a hi hi. Tg. Vungh Za Pau in June 22, 2001 kum in a it mahmah Zomite leh a innkuanpih te hong nusia in Pa kiang hong zuan hi. A kizom in Zomi Innkuan D.C emergency meeting kinei suak aa, thu tampi tak khensatna kinei in, Malaysia pan hong tung ding Zomite sponsor nei lo te sponsor piak ding leh huhna piak ding thu khensatna kinei aa, nasep kipan pah cih thu kiza hi.

Zomi D.C News Group

- Read Pu Tg. Vungh Za Pau Biography at : www.zomidc.org/vzpau.htm

- Check Pu Tg. Vungh Za Pau Photos at : www.zomidc.org/vzpphoto.htm

- Watch Pu Tg. Vungh Za Pau memorial video at : www.zomidc.org/songs.htm

*Posted on Sunday, June 24 2007 @ 1:14:11 am EST by Webmaster*

Zomi Innkuan USA Khawmpi Nuamtak kibawl

Zomi Innkuan USA
Oklahoma, Florida, Washington DC, Appalachian, Chicago, Portland

Thupulakna : June 11, 2007

1. United States of America gam sung a om Zomi Innkuan kipawlna tuamtuamte’ kigawmkhopna ahi Zomi Innkuan USA in, 2007 Kumcin’ Khawmpi pen Oklahoma State , Tulsa khuapi ah June 9, 2007 ni in, picing takin bawlzo hi.

2. Hih Khawmpi pen Zomi Innkuan Oklahoma kipawlna innteek in akibawl hi a, Florida Zomi Innkuan (USA), Zomi Innkuan DC, Appalachian Zomi Innkuan kipawlnate panin tangmite hong kah uhhi. Khawmpi akah innteek leh tangmi mimal vekpi (40) val kipha hi. Zomi Innkuan Chicago leh Zomi Innkuan Portland kipawlnate panin thukimpihna laite kipuak hi. Read more......

*Posted on Tuesday, June 12 2007 @ 6:29:08 pm EST by Webmaster*

Tg. Thomas On Sian Mung's Graduation

Kum 2007 sung Pasian in Zomi Innkuan D.C sung thupha hong pia in Pilna lam ah gualzawhna tampi hong piakhia hi. Tu in zong Zomi Innkuan D.C ii executive member, Lailam makaipi leh Zomi D.C website bawl pa leh Chief Editor a hi Tg. Thomas On Sian Mung (Siapi Ngen Za Dal leh Nu Dim Khan Niangte Tapa) in June 2, 2007 ni in USA Maryland State aom Baltimore City Community College pan Associate Degree in Engineering with HONORS hong la thei a hih manin Zomi Innkuan leh Zomi khempeuh in nakpi takin kilungdampih hi.

Zomi D.C News Group

Also visit Zomi D.C Degree and Award lists : www.zomidc.org/degreeaward.htm

*Posted on Tuesday, June 5 2007 @ 6:29:08 pm EST by Webmaster*

Ph.D ngah Zomi te Zomi Innkuan USA in pahtawina pia

Zomi Innkuan USA te makaihna leh vaihawmna tawh Tedim kampau Zomi sungpan secular lam ah Ph.D ngahte pahtawina pen May 26, 2007 ni in City Star Hotel, Yangon ah nasia takin kibawl a, tualai ah pawl tuamtuam pan mitam pi in va muak thei cih thu kiza hi. Tua pahtawina piakna ah Dr. C. Thang Za Tuan, Ph. D (Education, Yangon Institute of Education), Dr. Nang Sian Kham, Ph.D ( History, University of Yangon), Dr. Thuam Cin Khai , Ed. D ( Education, Central Philippines University) te in pahtawina hong la thei uh hi. Hih pahtawina piakna pawi ah Zomi Innkuan U.S.A kipawlna pan Executive Committee member a hi Dr. Chin Do Kham in makai in pahtawina laipi piakna kinei thei cih thu kiza hi.

Zomi D.C news group,

Note: Photos are taken from ZOCIA group

Check more photos at : http://www.zocia.org/forum/showthread.php?t=76

*Posted on Monday, May 28, 2007 @ 8:39:08 pm EST by Webmaster*

Pa Thang Za Mung's Graduation Ceremony

Zomi Innkuan D.C member khat a hi Pa Thang Za Mung, Mungpi ( Tedim khua Pa Gin Khan Kham leh Nu Sian Za Niangte tapa), (Nu Wah Wah Mung Pasal) in U.S.A gam Maryland State aom Howard Community College pan Associate Degree in Nuring Accelerated (R.N) tawh A.S degree (Honor) hong la thei a hih manin Zomi Innkuan D.C leh leitungbup aom Zomi te in nakpi tak in kilungdampih mahmah hi. Zomite sungah USA gam pan R.N level Nuring tawh degree ngah kitam nai lo a, mailam hun ah zong Zomite tampi in Nuring lam leh Health lam ah degree ngah tampi i om nading thupi mahmah hi. Congratulations to Pa Thang Za Mung!!

Zomi D.C News Group

Also visit Zomi D.C Degree and Award lists : www.zomidc.org/degreeaward.htm

*Posted on Saturday, May 19, 2007 @ 1:29:08 pm EST by Webmaster*

Zomi Innkuan D.C Chairman Tg. Dong Khan Khup's Graduation Ceremony

Pasian ii hong panpihna tawh Zomi Innkuan Chairman pa a hi Tg. Dong Khan Khup ( Siapi Ngen Za Dal leh Nu Dim Khan Niang te tapa, USA gam om Zomi Innkuan D.C pan Tg. Tawng Cin Khai, Tg. Thomas On Sian Mung leh Lia Ciin Ngaih Lun te saggampa) in U.S.A gam Maryland State aom Capitol College pan Bachelor of Science (B.S) in Electrical Engineering tawh B.S degree hong la thei a hih manin Zomi Innkuan D.C leh leitungbup aom Zomi te in nakpi tak in kilungdampih mahmah hi. Tua bek thamlo in Tg. Dong Khan Khup in High Honor (Magna cum laude) tawh minam dang te tawh liangko kikim in hong man thei a hih manin kiangtanpih mahmah hi. Graduation ceremony ah Special guest in USA gam Tulsa, Oklahoma State pan Tg. Vungh Lian Mang (B.E Mechanical) leh New York State pan Tg. Mungpi te in hong muak thei uh a, Laizom Zomi leh Kawlmi tampi te in hong muak thei uh hi. Tedim Kampau Zomi sung pan USA gam pan Leitung pilna lam (Secular lam) degree a man kitam lai lo a, Electrical Engineering tawh Bachelor ngah masa pen Dr. Zam Khen Thang (late) hi a, Tg. Dong Khan Khup pan a zom (a nih na) hi kha ding hi. Zomite sung pan Leitung pilna lam sang man tampi kisam lai i hih manin Zomi Siamsin Khangno te in i hanciam ciat ding thupi ka sa mahmah uh hi. Congratulations to Tg. Dong Khan Khup for his achievement!!

Zomi D.C News Group

Check Tg. Khup's graduation photos at : www.zomidc.org/khupphotos.htm

Also visit Degree and Awards : www.zomidc.org/degreeaward.htm

*Posted on Saturday, May 12, 2007 @ 11:47:09 pm EST by Webmaster*

Zomi Innkuan USA Khawmpi kibawl ding sapna

Zomi Innkuan USA

Oklahoma, Florida, Washington DC, Appalachian, Portland, Chicago

----------------------------------------------------------------------------

May 25, 2007

Azahtak huai Nu leh Pa, U leh Nau, Lawm leh Gualte;

Athu : : Zomi Innkuan USA kipawlna - 2007 Khawmpi akah dingin Sapna

Zomi Innkuan USA kipawlna in Thukhunpi zui-in kum khat in khat vei Khawmpi bawl ding ahi hi. Kipawlna’ 2006 Khawmpi pen Chicago khuapi ah kibawl a, tu-in kum (1) cing khinta ahih manin, 2007 Khawmpi pen anuai a Hun-geelna bangin bawl dingin Executive Committee in khensat hi.

2007 Khawmpi Hun-geelna

A Ni : : June 9, 2007 (Saturday)

A Khua : : Tulsa, Oklahoma

A Mun : : TaangGo Sawm Khup-te’ Inn

7438 S. 95th East Ave.

Tulsa, OK. 74133.

Tel. 918-254 8033

A Hun : : Hun I-na - 10:00AM~1:00PM

Hun II-na - 2:00PM~5:00PM

Hun III-na - 7:00PM~10:00PM

Zomi Innkuan USA kipawlna pen United States of America gam sung a om Zomi khempeuhte’ minam kipawlna ahih manin, 2007 Khawmpi ah NANG zong peello hong kah a, Kipawlna tawh kisai thu leh late ih kikupkhopna dingin, itna leh muanna lianpi tawh kong sam uh hi.

Executive Committee

Zomi Innkuan USA

tang’in; thupiakna bangin,

GSKhup

(TaangGo Sawm Khup)

Thuvaanpi

Theih ding

􀃆 Tulsa khuapi ah zin tunna ding geelna anei nailote a’ding Kipawlna in vaihawmsak ding hi.

􀃆 Khual pan ahong kuan dingte in amanlang in khualzinna ding hong vaihawm pah-un.

*Posted on Saturday, May 26, 2007 @ 6:49:08 pm EST by Webmaster*

Sizang Burmese Mission Church kum khat cinna kibawl

U.S.A gam Zomi Innkuan D.C kipawlna huam sunga Pawlpi khat ahi Sizang Burmese Mission Church kum khat cinna pawipi pen May 6, 2007 ni in Pawlpi biakinn omna Potomac, Maryland ah nasia takin kibawl a, tualai ah mun tuamtuam leh pawlpi tuamtuam pan mitampi in vamuak uh aa, picing takin kibawlzo hi. Rev. Peter Lilian makai in Crusade zong May 4-5 sung nasia takin kibawl a, kha khanlawhna nakpi takin piangin nuam kisa mahmah hi. Kum khat cinna pawipi ah zong Rev. Peter Lilian mah in hanthotna hong nei a, Pawlpi kem Pastor Rev. Dr. James Singzakhai in hun uk sem hi. Kikhop man khit ciangin Pawlpi pan Mang an, Kawl an, Zo an tawh mipi te vaak ziahziah uh a, nuam kisa mahmah hi.

Pasian hong panpih na tawh Zomi Innkuan D.C kipawlna huam sung ah Zomite makaih Biakna pawlpi nih ki om ta a, khat pen Evangelical Baptist Church, USA (E.B.C) leh khat pen Sizang Burmese Mission Church, USA (SBMC) te a hi hi. Hi bang in SBMC pawlpi zong kum khat hong cingta a hih man in Zomi a kua ma ciat in kilungdampih mahmah hi. D.C Area mun tuamtuam leh pawl tuamtuam pan Zomite kikai tuah in Zomi Innkuan D.C kikhop pen kha khat, khat vei ta a kinei den a hi hi.

SBMC thu leh Pasian thu genna Video te zong Pawlpi website - www.sizangchurch.org

ah a kicing tak in kien kingai thei hi.

Zomi D.C News group

*Posted on Sunday, May 6, 2007 @ 11:26:12 pm EST by Webmaster*

Zomi D.C ah Mopawi (Wedding ) nuamtak kibawl

Zomi Innkuan Washington D.C Makaipi Pa Thang Lian Pau leh Nu Cing Za Lun te Tapa Tg. Tuang Lian Mung leh Tedim Khua a teeng Pa Gin Za Kam leh Nu Vung Hau Cing te Tanu Lia Nem Sian Dim te pumkhat suahna Mopawi pen U.S.A, Maryland State, Zomi Innkuan D.C zumpi a hi Zotaang innpi ah April 22, 2007 Saturday ni in nasia tak leh picing takin kibawl aa, tualai ah mun tuamtuam pan Zomi mipih te tampi in hong muak thei uh hi. Tualai ah hun uk Sia Nang Sian Thang in sem a, Kitenna leh hanthotna Dr. Zam Thang in hong zang thei hi. A kizom in Pa Suan Khen Mang leh Nu Lang Za Vung te Tanu Lia Lun Sian Kim nau min phuahna leh kiap na zong kinei suak pah a, tualai ah Dr. Zam Thang mah in hong makai suak hi. Innteek ten Vok talpi khat go uh a, Zo an kine ziahziah hi. Tua ni aa hong pai, hong uap Zomi a kua ma ciat ni nuam kisa mahmah hi.

Zomi D.C News Group

Check Mopawi (Wedding) photos at : www.zomidc.org/mungtawngwedphotos.htm

*Posted on Saturday, April 24, 2007 @ 02:47:21 pm EST by Webmaster*

Zomi D.C Chairman pa Lukhu nelkai lakna ah sapna (Invitation of Graduation )

Zomi Innkuan D.C Chairman pa a hi Tg. Dong Khan Khup ( Siapi Ngen Za Dal leh Nu Dim Khan Niiang te tapa, Zomi Innkuan D.C pan Tg.Tawng Cin Khai, Lia Ciin Ngaih Lun leh Tg. Thomas On Sian Mung te sanggam pa) in May 12, 2007 ni in Capitol College, Maryland pan Bachelor of Science Degree in Electrical Engineering hong la ding a hi man in Zomi Innkuan D.C member teng leh Zomi a kuamapueh in nong uap ciat nang un Zomi Innkuan D.C min tawh kong sam uh hi.

A ni : May 12, 2007
Ahun : 9:45 am
A mun : Capitol College
11301 Springfield Road

              Laurel, Maryland
------------------------------------
                                                          Graduation Invitation
               We are proud to cordially invite everyone of you to our brother, Tg. Dong Khan Khup's graduation ceremony, which will be held on May 12, 2007 at the Capitol College, Maryland, USA. Tg. Dong Khan Khup will be earning a Bachelor of Science degree in Electrical Engineering by the grace and favor of God. Please attend by joining Khup as he celebrates this special occasion.

Date : May 12, 2007
Time : 9:45 am
Place : Capitol College
11301 Springfield Road

Laurel, Maryland

Zomi Innkuan Washington D.C

U.S.A

*Posted on Saturday, May 5, 2007 @ 01:13:01 pm EST by Webmaster*

Zomi D.C kikhop leh Birthday bawlna

Zomi Innkuan Washington D.C ii kha sim kikhop leh Pa Ci Mung, Nu Khaite tapa Tg. Pu Khan Khai ii Kumnih cin Birthday bawlna pen April 21, Sani ni in Pa Cii Mungte in Laurel, Maryland na kibawl aa, tualai ah Zomi tampi hong kihel thei hi. Tualai ah D.Min sangah Siamah Nei Khaw Cing in hanthotna hong nei a, hunte nuam tak kizo hi.

Zomi D.C News Group

*Posted on Saturday, April 21, 2007 @ 11:58:22 pm EST by Webmaster*

Dr. Do Sian Thang Zomi D.C hong hawh

Zomi Innkuan Washington D.C ii kha sim kikhop leh Tg. Nangpu ii inn thak muakna kikhop pen March 31 sani ni in Laurel Maryland ah kibawl a, tualai ah Zogam Falam aa Zomi Theological College a sangsiapi (Principal) Rev. Dr. Do Sian Thang in hanthotna hong pia thei hi. Dr. Do Sian pen tulai tak USA ah hong hawh lai tak hi a, Zomi laizom te om na mun tuamtuam ah hong pai in Zomi te tawh holimna hong nei kawikawi hi. Zogam ah Zomite aading mailam kalsuanzia ding tampi thu sunna hong nei in, a za a ngai khat ciat in tha kingah mahmah hi. Zogam Zomi te khantohna ding kum 100 planning khat thu sunna leh Zomi Dictionary bawl ding thu sunna zong hong nei hi. USA a om sung Zo kam tawh Dictionary khat bawl zawh nading hanciam sawm a hih manin USA a om Zomi khempeuh in i panpih ciat ding thupi mahmah hi. A kizom in Zomi Innkuan D.C pan Siapa pahtawina piakna zong kinei suak pah hi. Hun man ciangin "Zomi Movie" hoih mahmah leh mingthang mahmah a hi "Ngaih Anglai" a cih kihawmkhia ziahziah hi. Hih Zomi Movie "Ngaih Anglai" a cih pen hoih kisa mahmah in Standard zong nei kisa mahmah hi. Hibang Zomi Movie te tampi i bawl zawh nading hanciam suak leng hoih kisa mahmah a, khantohna pi khat zong a hi hi.

Zomi D.C News Group

*Posted on Saturday, March 31, 2007 @ 11:59:00 pm EST by Webmaster*

Dr. Salai Tun Than 'Peace Award' ngahna

Source : From VOA News

Read more...............

Read more at - Burma Today News

- Khitpyaing News

Check photos at - http://salaikyawkya w.multiply. com/photos/ album/40

*Posted on Sunday, March 27, 2007 @ 12:00:00 am EST by Webmaster*

Ph.D Ngah Thak Zomi

Zomite Pasian in thupha hong pia in Gam tuamtuam mun tuamtuam ah Mipil tampi hong piang khia sak hi. Tedim kampau Zomi sung pan Dagon University ah Associate Professor a sem a hi, Sia Nang Suan Kham in February 17, 2007 in Ph.D in History pen Yangon University pan hong ngah khia aa, leitung mun tuamtuam a om, Zomi te leh Zomi Innkuan Washington D.C in zong nakpi tak in kilungdampih mahmah hi. A thesis pen Dissertation: British administration in Chin Hills and the Chin Resistance Movement (1886-1923) a hi hi. March 11, 2007 in zong Yangon a om Zolai khantoh nading hong mapi Zomi Literature Uplift Society (ZOLUS) pan zong Dr. Nang Suan Kham Ph.D pahtawina lai piakna leh pahtawi thugenna hun nuam mahmah khat zong ki zang thei cih ZOCIA tung tawn in thu kiza hi.

Ning kum 2006 November 4 ni in Dr. Professor C. Thang Za Tuan in Ph.D in Education (Ph.D., Majoring in Education) Thesis- "Cybernetic Science and information, communication Technology in Cyberage Pedagogic " tawh Yangon Institute of Education pan Ph.D secular lam tawh hong ngah thei hi. (Check News at www.zomidc.org/news2006.htm). Tua bek tham lo in Sia Dalmang in zong 2007 March 7 ni in AIIAS Philippines pan Theology lam tawh Ph D Dissertation :'Ellen G. White's Inclusion of the Body in the imago dei' hong ngah thei a hih manin kilungdam pih mahmah hi.

Zomi D.C News Group

Also Visit - Zomi Ph.D lists at www.zomidc.org/degreeaward.htm

*Posted on Sunday, March 11, 2007 @ 6:37:30 pm EST by Webmaster*

Zomi Innkuan D.C leh Lamka pan Zomi Laizom Pu Thangcinlian Guite Nu pa tawh Fellowship neihkhop

Zomi Innkuan Washington D.C ii kha sim kikhop leh Zogam, Lamka khuapi pan hong pai Zomi Laizom Pu Thangcinlian Guite Nupa tawh Fellowship neih khopna pen February 24 ni in Sia Pau Za Lian(Sia Paupi) te inn, Laurel, Maryland State ah kinei aa tulai ah Zomi Laizom tampi hong kihel thei uh hi. Special guest a hi Pu Thangcinlian Guite pen tulai tak in Zogam Lamka khuapi aa om Evangelical Baptist Convention ii Vice President hi a, India kumpi Internal Revenue Department ah kum tampi a sep khit zawh ciang pension a la a hi a, a mah pen Zomi nam it mah mah khat a hi hi. Pu Thangcinlian in hong pai Zomite tung hanthotna leh thugenna hong nei suak hi. Pu Thangcinlian in Manipur aom Zomite leh Kawlgam aom Zomite si khat sa khat minam khat i hih nate hong pulaak khia masa aa, tha kingah mahmah hi. A kizom in Zomite Gam tuamtuam ah i kitheh thang hangin i minam i kepcing ding leh i minam a manthan lo nadingin i tate Zopau tawh i pau pih in Zongeina te i sin sak ding thu hong pulaak khia aa, hoih kisa mahmah hi. I Pau, i minam i kepcing kei leh Zomite i mangthang theih ding thu zong hong pulaak khia hi. Tua bek thamlo in Zomi te pawlkhat Pasian in thupha hongpia in hong teltuam a, USA gam nuam ah hong puak in, thupha hong pia i biak Pasian i manggilh loh ding hanthotna hong pia hi. Hun man ciangin Zomi Innkuan D.C pan Nu Lun in Pu Thangcinlian zi a hi Nu ngai tung letsong(present) piakna nei a, hunte nuam tak kizo hi.

Zomi D.C News Group

*Posted on Sunday, February 25, 2007 @ 5:23:10 pm EST by Webmaster*

Zomi Namni (Chin National Day) D.C Area ah nuamtak kibawl

A 59 vei na Zomi Namni pen Washington D.C kiim aom Zomi (Chinbup) kipawl in February 17 ni, Sanni ni in Paint Branch High School, Laurel, Maryland ah nasia tak in kibawl a, tualai ah mun tuamtuam pan mi 600 val hong kihel thei uh hi. Tualai ah Main Speaker dingin Zomi sung pan makai minthang a hi Professor Dr. Salai Tun Than in hong nei a, a thu gen te zaknop kisa mahmah hi. Laam nam 6 kilaam in La dawng 20 val kisa a, nuam kisa mahmah hi. Zomi sung pan sangkah laipil te leh Degree ngah mi 20 val zong pahtawina kipia hi.Zomi Innkuan D.C pan Tg. Gin Za Khai, Tg. Pau Sian Cin, Lia Niang Lam Zo te in pahtawina letsong hong la thei uh hi. Zomi D.C Music Band in zong gualzo takin tum ziahziah thei uh hi. 2007 Zomi namni pen 10:35 in nuamtak kizo hi.

Zomi D.C News Group

Check Zomi namni CND) photos at: www.zomidc.org/minamniphotos2007.htm

*Posted on Saturday, February 19, 2007 @ 4:47:00 pm EST by Webmaster*

Zomi Innkuan D.C Band kipankhia, Meeting nuamtak kizo

Zomi Innkuan D.C Kum khat sung kalsuan nading leh Zomi Namni bawl nading thu kikupna nuamtak kizo a, tualai ah Zomi Innkuan D.C makai teng leh Zomi te kihel thei hi. Kum khat sung kalsuan nading thu kikupna kinei thei a, hong tung ding Zomi Namni ah Zomi D.C pan zong Music Band khat kipankhia in Zola tum ding kikhen sat hi. Tua Music Band ah Lead Guitar - Zen Lian, Bass Guitar - Nangpu, Rhythm Guitar - Ving Thang, Drum - Khup Sian Lian, Keyboard - Mangpu, Harmony - Tual Kim, Pau Pu, Pi Pi ten hong thum/sa ding uh a, tualai ah Zomi sung pan Lasa siam tampi te in Zolai tampi hong sa ding uh a, a kua ma ciat kilawp mahmah hi.

Zomi D.C News Group

*Posted on Saturday, January 21, 2007 @ 12:14:10 pm EST by Webmaster*

Zomi Innkuan Denmark kiphuankhia

ZOMI INNKUAN DENMARK

Thu bul phuh Joshua 1 : 9

Makai pi (Chairman) - Tg. Khen Za Muan Thang

Makai pi huh (Vice Chairman) - Pa Pum Kho Pau

Thu vanpi ( Secretary) - Tg. Peter Thawng

Thu vanpi huh ( Vice Secretary) - Tg. Tg. Thang Mun Muang

Sum keem ( Treausurer) - Nu Luan Suan Cing )

Sa ziansit ( Auditor) - Tg. Pau Khan Kham Leh Pa. Khup Za Hau

BESTYRELSES MEDLEM ( EXCUTIVE MEMBERS )

Lailam makai ( Editors ) - Tg. Khai Let

Biak na lam makai ( Religion Leaders) - Pa. Ai Min Thang Leh Pa. Bawi Lian

Ngeina lam makai ( Cultural Leaders) - Pa. Langh Za Kham Leh Tg. Vungh Za Khan

Veng makai ( Jylland Leaders) - Tg. Do Deih Cin Leh

Veng makai ( Fyn Leaders ) - Nu. Dim Vang Cing

By. Thu van pi te

Ref: Zomi Innkuan Denmark , zomidk@yahoo.com

*Posted on Wednesday, January 17, 2007 @ 8:50:20 pm EST by Webmaster*

Zomi Innkuan D.C New Year Celebration leh Pan mun len thak kitelna

Photo :Zomi D.C New Year Pan mun len thak te Electorial Board makai Dr. Khen

Pasian hong panpihna leh Zomi Innkuan D.C makaihna tawh Kum thak muakna pen January 1, 2007 ni in Pa Khup Sian Lian te inn Virginia ah nasia tak leh picing takin kibawl a, tualai ah Mun tuamtuam pan Zomi tampi hong kihel thei hi. Inntek te in an limci no no tawh hong vaak uh a, hong pai teng in nuam sa mahmah uh hi. A kizom in Zomi Innkuan D.C ii 2007-2008 panmun kitelna Election kinei in hong pai mipi sung pan kum 18 a cin khin member khempeuh in vote piakna nei uh hi. Electorial board kibawl in tualai ah Rev. Dr. Khen Za Sian in makaipi hong sem a, Tg. Khai Paak leh Tg. Lalangte in huh uh hi. Mipi te vote tawh telkhiatna leh Electorial board te kipsakna tawh 2007-2008 Zomi Innkuan D.C makai ding teng a nuai a bangin kitel khia hi.